Ura e improvizuar me pagesë në Paskuqan, shpëtimi i vetëm për banorët (16 Gusht 2002)

Lajme Arkiva 2002 Këtë rrugë me kokën poshtë dhe frikë në zemër e bëjnë edhe dy herë në ditë. 15 metra urë është problemi që i bren prej vitesh banorët e Paskuqanit. Gazetarja: Jemi në urën e improvizuar të bregut të lumit. Te kjo urë të gjithë banorët e Paskuqanit detyrohen te kalojnë për të shkuar në shtëpitë e tyre përballë është fshati Paskuqan. Të gjithë banorët e Paskuqanit detyrohen ta kalojnë këtë urë që është mjaft e vështirë. Kalohet përditë për të bërë pazarin në kryeqytet, por edhe te të afërmit e tyre. Përveç rrezikshmërisë banorët detyrohen të paguajnë edhe një taksë prej 100 Lekësh për të kaluar këtë urë. Detyrohen ta kalojnë lumin një e nga një dhe me pagesën thuajse kanë hipur në fugon për të mbërritur në shtëpi tagrambledhësi i pret në krye të rrugës tani ai është fshehur nga kamera ku për shkak të saj sot një pjesë kanë kaluar pa para. Të paktën lekë merren vetëm për person dhe jo për ngarkesë. Banori: Kam kundërshtuar ndonjëherë por ma ka ruajtur herën tjetër kur kam kaluar. I kam thënë s’kam këtë radhë ja kam dhënë herën tjetër. Ka pesë vjet që paguhet. Shuma e një personi që pas kësaj llogarie fare mirë po të mblidhej gjithë fshatit do të ishte ndërtuar një urë funksionale dhe jo e frikshme në dimër. Banori: Çdo njeri që do iki andej edhe do kthehet, nga 100 bëhet 200, mua ai më bën 6000 Lekë për një person, por unë jam 3-4 në një familje nga 6000 venë rreth 20.000 Lekë. Banori: Për çdo gjë më të vogël jemi të detyruar të kalojmë lumin. Zbathur nuk kalojmë por jemi të detyruar. Zbathur nuk kalojmë por paguajmë këto që kanë vënë këta çunat, këto urat. U bënë disa vite që e kërkojmë çdo kohë, çdo minutë por nuk po shkojmë gjëkundi. Banori: Disa veta janë rrezikuar, para disa viteve kishim një grua atje u mbyt prej atje dhe e kemi gjetur atje poshtë pas 2-3 ditësh. Lumi fryhet gjatë shirave dhe e bënë të vështirë kalimin me këmbë por edhe tani problem është se poshtë tij ka hekurishte, xhama dhe mjaft papastërti. Për ta ky lum është kthyer në tra ekuilibri dhe gangrena që në çdo fushatë elektorale kërkojnë t’u zgjidhet./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/