Homanaiy dafn marosimi 5 kun davom etadi | Ukrainaga bosqin

Rossiya Ukraina hujumlari ortidan yuzaga kelgan yoqilg‘i taqchilligini yumshatish uchun benzin import qilish imkoniyatlarini ko‘rib chiqmoqda. Reuters ma’lumotiga ko‘ra, Hindistondan Rossiyaga dengiz orqali benzin yetkazib berish boshlangan bo‘lishi mumkin. Biroq rasmiy Nyu-Dehli hind kompaniyalari Rossiyaga yoqilg‘ini to‘g‘ridan to‘g‘ri sotmayotganini bildirmoqda. Rossiyaning ayrim hududlarida benzin sotuviga cheklovlar joriy qilingan, yoqilg‘i quyish shoxobchalarida esa navbatlar kuzatilmoqda. Ekspertlar bu vaziyat Markaziy Osiyo, jumladan O‘zbekiston yoqilg‘i bozoriga ham ta’sir qilishi mumkinligini aytmoqda. Xabarlarga ko‘ra, mamlakatda AI-90 benzini narxi rekord darajaga yetgan. Shu bilan birga, AQSH va Eron Qatarda bilvosita muzokaralarning navbatdagi bosqichini yakunladi. Manbalarga ko‘ra, tomonlar asosan Hormuz bo‘g‘ozi orqali kema qatnovi va Eronning muzlatilgan aktivlari masalasini muhokama qilgan. Yadro dasturi hozircha muzokaralar kun tartibiga kirmagan. Videoda, shuningdek, Rossiyaning Kiyevga qarshi yangi raketa va dron hujumlari, Zaporoje fuqarolik obyektlariga zarbalar hamda Kiyevdagi Golodomor muzeyi eksponatlarini xavfsiz joyga ko‘chirish jarayoni haqida so‘z boradi. #ozodlik #uzbekistan #tashkent #yangiliklar #ozodnews #ozodlik2026 #aqsh #ukraina #rossiya #tramp #zelenskiy #putin #mirziyoyev #shavkatmirziyoyev #xabarlar #uzbek #uzbek_video #ukrainaurushi