Hormuzni minalardan o‘zimiz tozalaymiz - Eron | Ukrainaga bosqin

Eron rasmiylari Qatarda turgan AQSH vakillari bilan to‘g‘ridan to‘g‘ri uchrashuv o‘tkazilmasligini, muloqotlar vositachilar orqali davom etishini ma’lum qildi. Tehronning ta’kidlashicha, har qanday muzokaralardan oldin ehtimoliy tinchlik kelishuvining asosiy shartlari va tafsilotlari bo‘yicha kelishuvga erishish zarur. Vashington esa Hormuz bo‘g‘ozidagi vaziyat, Eronning muzlatilgan aktivlari taqdiri va kelgusidagi muzokaralar formatiga oid diplomatik sa’y-harakatlar davom etayotganini bildirmoqda. Ayni paytda Hormuz bo‘g‘ozi atrofidagi vaziyat hamon tarangligicha qolmoqda. Eron mina tozalash ishlari va dengiz qatnovini boshqarish masalasi o‘z vakolati doirasiga kirishini ta’kidlagan. Fransiya va Umon esa mintaqada xalqaro kema qatnovi xavfsizligini ta’minlash zarurligiga urg‘u bermoqda. Videoda, shuningdek, Isroil qo‘shinlarining Livan janubidagi ishtiroki, «Hizbulloh»ni qurolsizlantirishga oid kelishuvga mahalliy aholining munosabati, Rossiyaning Ukrainaga qarshi yangi hujumlari, Penza viloyatidagi harbiy-sanoat obyektlariga ehtimoliy dron zarbalari, Ukraina va Shvetsiya o‘rtasidagi Gripen qiruvchi samolyotlari bo‘yicha hamkorlik, Dobropillya yo‘nalishida dronlar tahdidining ortishi hamda Rossiyada iqtisodiy kayfiyat ko‘rsatkichlarining yomonlashayotgani haqida ham so‘z yuritiladi. #ozodlik #uzbekistan #tashkent #yangiliklar #ozodnews #ozodlik2026 #aqsh #ukraina #rossiya #tramp #zelenskiy #putin #mirziyoyev #shavkatmirziyoyev #xabarlar #uzbek #uzbek_video #ukrainaurushi