Та Бурхан уу? Сахиусан тэнгэр үү, Шулам уу гэсэн асуултад хариуллаа ккк

"Би Бурхан уу, шулам уу?" Сайн байцгаана уу? Өнөөдөр надаас сонирхолтой асуулт асуусан: "Та Бурхан уу, эсвэл шулам уу?" Магадгүй энэ нь миний хийдэг ажилтай холбоотой байх. Тиймээс би зүгээр л үнэн сэтгэлээсээ, өөрийнхөөрөө хариулъя гэж бодлоо. Би энгийн л нэгэн хүн. Амьдралынхаа туршид олон хүнд сорилт, зовлонг туулж ирсэн. Тэр бүх бэрхшээл дунд өөрийгөө олох, ойлгох, чиглүүлэх замыг хайсаар... Ном уншиж, мэдлэг хуримтлуулж, бясалгал хийж, сэтгэлийн хүчийг хөгжүүлж ирсэн. Одоо бол би сүнслэг замыг сонгож, бусдад туслахыг хичээдэг. Бясалгал заадаг, аура хардаг, амьдралын код тайлан, хүмүүст зөвлөгөө өгдөг. Тийм болохоор л зарим хүн над руу ингэж асуусан байх: "Та Бурхан уу?" эсвэл "Та шулам уу?" Ажлын онцлогоос шалтгаалаад би олон хүний зовлонг сонсдог. Тэдэнд туслахын тулд дом, шившлэг, эртний зан үйл, сүнслэг мэдээллийг судалж, бэлдэж, хуваалцдаг. Гэхдээ энэ нь би шулам юм уу, Бурхан гэсэн үг биш. Би зүгээр л тэдний арга ухааныг судалж, ашиглаж, бусдад гэрэл өгөхийг хүссэн нэгэн. Эрт цагт энэ дэлхий дээр Бурхан, бодьсадва, тэнгэр, шулам гэх мэт өөр өөр хүчнүүд оршдог байжээ. Харин өнөөдөр, энэ дэлхийд хүн төрөлхтөн бид амьдарч байна. Бид тэдний арга, ухааныг уламжлуулан ашиглаж байгаа ч, бид өөрсдөө тэд биш. Харин тэдний мөрөөр, замаар алхаж яваа хүмүүс. Хүний энерги — гэрэл эсвэл сүүдэр. Ариун байж болно, адтай ч байж болно. Яг ямар байх вэ гэдгээ хүн өөрөө сонгодог. Бие, хэл, сэтгэл гурав нь тунгалаг байж чадвал, хүн өөрөө бодьсадва мэт болж чадна. Би бол суралцаж яваа багш. Би Бурхан биш. Би шулам ч биш. Би алдаж, засч, ургаж, гэрэл рүү тэмүүлж яваа хүн. Зарим хүн намайг “чи үнэхээр үзэсгэлэнтэй юм, шулам л ингэж харагддаг” гэдэг. Гэхдээ үнэндээ би өөрийгөө арчилж, хайрлаж, дотроосоо гэрэлтэж чадвал л сайхан харагддаг. Хэрэв ядарсан, гундаж явахад хэн ч тэгж хэлэхгүй л болов уу. Энэ бол жирийн хүний л амьдрал. Тиймээс би хэлмээр байна: Би бол хүн. Гэрэлд тэмүүлж, сүүдэртэй нүүр тулж, дотоод хүч, ухаарлаа бусадтай хуваалцаж яваа нэгэн эгэл хүн. #номтой_болог #Бурхан #шулам #чөтгөр