అంత్యప్రాసల ముద్ర-ఆరుద్ర #arudra #telugupoetry #lyricwriter #cinema #nri #usa

సంతకం అక్కర్లేని కవి ఆరుద్ర, అంత్యప్రాసలే ఆయన వ్రాలుముద్ర అన్నారు బాపు రమణలు ఆరుద్ర గురించి. కవిత కోసమె నేను పుట్టాను,క్రాంతికోసము కలము పట్టాను,ఎండమావులు చెరిపి పండువెన్నెల నిలిపి గుండెవాకిలి తలుపు తట్టాను అని ప్రకటించున్న భాగవతుల సదా శివ శంకర శాస్త్రి కలం పేరు ఆరుద్ర. తెలుగు సాహిత్యంలో దాదాపు అన్ని ప్రక్రియలలోనూ తనదైన ముద్రతో రచనలు చేసిన ఆరుద్ర బహుముఖ ప్రజ్ఞా శాలి . ఆయనకు డిగ్రీలు లేవు గానీ ఆయనే ఓ విశ్వవిద్యాలయం. గురువెవరూ లేని ఆ అవిశ్రాంత సాహితీ యోధుడు ఎందరికో గురుతుల్యుడు . ఎంతో శ్రమ భరించి , పరిశోధించి , మనకు సమగ్రాంధ్ర సాహిత్యాన్ని అందించి తాను జీవనసాఫల్యాన్ని పొందిన మహానుభావుడు ఆరుద్ర. చమత్కారం, వ్యంగం, హాస్యం కలగలపి ఏది రాసినా ఆసక్తికలిగేలా రాయడం ఆరుద్ర కలానికి స్వంతం. ప్రాస కోసం కాకుండా , ప్రాసలో కవిత్వం వ్రాయడమే ఆ ..ఆరోరుద్రుడి కవితాతత్వం .. అంత్య ప్రాసల ముద్ర ఆరుద్ర వ్రాసిన అందమైన ప్రాస కవితలు కొన్ని ఎంచి మీకు అందించే ప్రయత్నమే ఈ వీడియొ తెలుగు కవితా నక్షత్రం ఆరుద్ర, అంత్యప్రాసల కవిత్వం ఆస్వాదించండి #Arudra #TeluguPoetry #Garikapati #USATelugu #UKTelugu #NRITelugu #TeluguLiteratureUSA