ఆహా! ఆవకాయ! #avakaya #mangopickle #mango #nri #telugunri #usa #telugupoetry #teluguusa #uk

దేశ విదేశాల్లో తెలుగువారి అసలు సిసలు brand ambassador ఏమిటి అంటే నిస్సందేహంగా ఆవకాయే. వేసవి వచ్చిందంటే చాలు .. తెలుగు లోగిళ్లలో ఒక ప్రత్యేకమైన సందడి మొదలవుతుంది. అమ్మలు , అమ్మమ్మలు, అమ్మలక్కలు చేరి , కారంతో పాటు మమకారాన్ని, ఆవతో పాటు అప్యాయతనీ , మామిడి ముక్కలతో పాటు మాధుర్యాన్ని , పప్పుల నూనెతో పాటు ప్రేమరసాన్ని కలగలిపి ..ఎప్పటికీ నిలవుండేలా పెట్టే అమృతమే ఆవకాయంటే .. ఆవకాయ కేవలం ఒక పచ్చడి కాదు , ఒక భావోద్వేగం,ఒక మధురమైన జ్ఞాపకం, ఒక సజీవ సంప్రదాయం, దేశాల మధ్య ఒక సాంస్కృతిక వారధి. కాలాలు మారినా, జీవన వేగాలు పెరిగినా మనకి ఆవకాయ మీద ప్రేమ మాత్రం ఆవగింజంతయినా తగ్గలేదు. అలాంటి మహత్తరమైన ఆవకాయ మీద ప్రముఖ రచయిత్రి శ్రీమతి వలబోజు జ్యోతి గారు కొంత మంది కవులచేత ఆవకాయ పద్యాలు వ్రాయించి, ఒక శతకం రూపొందించారు . వాటిల్లోంచి తేలికగా తినగలిగే కొన్ని ఘాటైన పద్యాలు ఎంపిక చేసి మీకు అందించే ప్రయత్నమే ఈ వీడియొ. మరొక ప్రత్యేకత ఏమిటంటే శ్రీ గరికిపాటి నరసింహారావు గారు ఆవకాయ మీద వ్రాసిన చమత్కారంగా వ్రాసిన పద్యం కూడా మీకు నోరూరిస్తుంది