廣州瘋狂的麥咭體驗館｜3日2夜廣州親子之旅 ｜超級好玩 、玩到又喊又尖叫🤣｜親子港車北上 ｜ 廣州親子遊

我哋去咗廣州 ：瘋狂的麥咭 （廣州體驗館） 呢幾日好多人問我哋究竟去咗邊度玩，睇落好似好好玩。我可以話俾大家聽，真係超好玩😆🤣。 其實瘋狂的麥咭喺內地係一個電視節目，廣州而家有呢個體驗館係可以玩電視節目裏面嘅遊戲。一家人或者一班朋友去玩就真係好啱。超級刺激，又好玩。 媽媽好耐未試過玩得咁開心，根本每個遊戲都全程喺度笑。 裏面有12項遊戲。 自己可以自行選擇玩乜嘢遊戲。價錢都唔平㗎。 我哋揀咗玩三個遊戲嘅package，就係每人$189。 每個遊戲大概玩15-20分鐘。大部份遊戲都係可能要答問題。大家亦都唔使太擔心，好多問題都好簡單。所以有好多小朋友都可以玩到。例如佢彈咗白雪公主幅相出嚟，跟住問你係邊個？ 或者問你Transformer個反派係叫咩名？ 不過有時好簡單嘅問題，係緊張嘅情況底下就好難答得出。 你選擇用廣東話，英文，或者普通話答問題佢哋都OK。 另外，任何嘢係唔可以帶入遊戲區域。雖然電話帶唔到入去拍片，但係佢會全程幾個鏡頭幫你錄影成個過程你同佢攞返條片只需額外比 $8。 好開心去咗呢度玩。終於唔係淨係玩小朋友嘅嘢，今次爸爸媽媽都玩得勁開心。不過，唔係個個都接受到呢啲遊戲，Emma三個遊戲都覺得太刺激唔敢玩。其中一個入咗去之後，都係覺得接受唔到，所以直接棄權🤣。 溫馨提示： 所有遊戲小朋友要滿六歲先至可以玩❗️ 瘋狂的麥咭 📍廣東省廣州市番禺區鍾村雄峯商城A3座