珠海親子旅遊：第一集｜橫琴創新方 | 凱悅酒店動物主題房 ｜國家地理探險樂園｜人肉夾零食｜Novotown | Pokiddo Trampoline Park | 4日3夜｜北上親子旅遊 ｜北上消費

Follow our IG : www.instagram.com/mui.gs ⭐️我哋今次選擇咗住橫琴凱悅酒店 - Hyatt Regency 原先Daddy緊飛船酒店，但係因為我哋又想book主題房，而海悅價錢比起非船價錢大概平一半 （大概係rmb 9xx 一晚包早餐同埋包兩張飛去playroom 玩 + 兩大一小嘅飛去national geographic explorer 玩）。另外，呢間酒店隔離就係創新方。創新方都有地方玩，又有嘢食同埋可以夾公仔😆。所以最終選擇咗呢度。 我哋揀咗動物主題房。因為兩姊妹都好鍾意動物。同埋其實酒店有免費Shuttle Bus去長隆。車程大概15分鐘，所以都好方便。 ⭐️National Geographic Ultimate Explorer 我哋酒店房package每晚包咗兩大一小嚟呢度玩。媽媽初頭未聽過，諗住冇乜嘢玩，點知入到去係好多嘢玩，同埋好啱佢哋年紀。好多設施都係眼前一亮。 媽媽最鍾意嘅係潛水艇。 初頭入去唔知做乜，跟住原來發現係入咗架潛水艇。周圍嘅畫面好真實，感覺真係好似逐漸潛入深海。而兩位MuiG都相信自己已入深海。中間睇到好多魚，跟住深海大魚，鯨魚撞向我哋。中間潛水艇疑似故障，好似會沉兩位公主都好緊張。玩完之後，Emma 話唔想再玩😆。 家姐最鍾意玩嘅兩個項目，就係同動物跑步同埋恐龍骨。同動物跑步，有12種唔同動物。有啲跑得快，有啲跑得慢可以逐樣challenge 。搵恐龍骨頭，有幾個唔同嘅步驟。總之做齊晒之後，嗰隻恐龍就會出現喺大畫面。可以同打卡。 Emma最鍾意玩嘅就係VR升上太空。啲凳都會郁，又好似會噴氣，所以個感覺真係好似飛咗上去。 爸爸覺得玩沙個項目好特別。每一個沙池會根據你堆沙嘅形狀同埋高低嚟判斷沙造成嘅荒島裏面含有啲乜嘢。例如：動物，火山，水，草。中間亦可以控制落雨etc. 另外仲好多其他嘢玩，例如昆蟲車，畫畫，波波池，同熊貓傾偈，樹屋…等等 都值得一去嘅。 橫琴國家地理探險家中心 營業時間：10:00-18:00（最晚入園時間17:00） 📍珠海橫琴粵澳深度合作區天羽道111號西南門 創新方3層 🔗https://novotown.com.hk/p/national_ge... ⭐️ Pokiddo Trampoline Park 其實呢個已經分享咗兩個post。 真係好正，大人細路都有得玩。之前分享咗媽媽飛彈入波波池，同埋兩姊妹人肉夾零食；都喺呢度玩嘅。 除此之外，仲有好多其他嘢玩㗎。最正嘅係我哋嗰日好似包場咁，得我哋喺度玩🤭🤭。 入面除咗有大波波池，仲有好高嘅攀爬。 有攀石，千秋，瀡滑梯，坐水泡嘅瀡滑梯，多種唔同嘅彈床，仲可以扮蜘蛛俠黐上牆😆😆😆。 記得 家姐最鍾意玩嘅就係射槍，同埋坐住個水泡上刺激滑梯。佢話個水泡飛起，仲要返咗，好刺激😆。 Emma就鍾意扮Spider-Man同埋玩波波池。 阿媽除咗玩飛彈入去個波波池之外，仲玩咗個飛索。不過一次就夠啦，嚇死人咩。😆😆 當然又係玩到唔想走啦，包場咁嘅情況玩，係超爽皮嘅😍🤭。 地點 ： 珠海創新方 Pokiddo Trampoline Park 🔗https://www.pokiddo.com/pid18317558/P...