Klan News - Jaeld Çela lirohet nga burgu (25.3.2022)

Ish-drejtori i Policisë së Vlorës, Jaeld Çela, ka lënë qelitë e burgut të Fierit, ku vuante dënimin me 3 vite e 4 muaj për akuzën e shpërdorimit të detyrës. Sipas burimeve mësohet se gjykata e Fierit ka miratuar kërkesën e Çelës, për të përfituar lirimin me kusht, pasi ka kryer më shumë se 2/3 e dënimit. Çela u dënua me vendim të formës së prerë në 4 Shkurt, në të njëjtin proces gjyqësor ku u dënua dhe ish-Ministri i Brendshëm, Saimir Tahiri. Ndaj Jaeld Çelës u lëshua urdhër arresti në Nëntor të 2017, por autoritetet nuk bënë të mundur prangosjen e tij, deri sa vendosi të dorëzohet në Drejtorinë e Policisë së Tiranës në Maj të 2020. Gjykata e Posaçme vendosi që Çela të dënohet me 40 muaj burg, dhe prej momentin që është vetëdorëzuar ai ka vuajtur 30 prej tyre. Ish-kryepolicit të Vlorës i kishin mbetur edhe 10 muaj të tjerë për të qëndruar në izolim, por gjykata vlerësoi që të lirohet dhe të mbajë kontakte me drejtorinë e Shërbimit të provës. Në ambientet e vuajtjes së dënimit që qëndronte Çela, po vuan dënimin e tij edhe ish-ministri Tahiri, i cili gjithashtu u dënua me 3 vite e 4 muaj heqje lirie, për shpërdorim detyre. Klan News SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan