Intervistë me drejtorin e policisë Prençi për ndryshimet në policinë e shtetit - (9 Nëntor 2007)

Lajme arkiva 2007 Lufta kundër korrupsionit, si një nga prioritetet e punës së qeverisë, ka sjell dhe ndryshime në strukturën e policisë së shtetit, ku tashmë është ndërtuar një drejtori e re që merret pikërisht me këtë problem. Nuk kanë munguar madje as aksionet policorë që kanë patur në qendër persona apo zyrtarë të akuzuar për mitmarrje, me provat e siguruara nga policia e shtetit. Ahmet Prençi: “Stafi i specialistëve të policisë që merren me këtë drejtim, ka fituar një eksperiencë dhe po të shikosh dhe çështjet që hetohen, gradualisht ka një përsosmëri edhe në hetimin e tyre dhe në mënyrën e grumbullimit të provave, ku janë përdorur me sukses mjete speciale të hetimit, që është një risi e re, në punën e policisë së shtetit”. I gjithë aktiviteti i policisë së shtetit, gjithsesi duket të ketë hasur në problemet e sistemit të drejtësisë në vend. Ahmet Prençi: “Ne grumbullojmë fakte, dyshime të bazuara në prova, i paraqesim pranë organit të procedurës, pranë organit të ndjekjes penale, siç është prokuroria dhe për momente të caktuara ne miratojmë vendimet në gjykatë me kërkesën e prokurorit, për të proceduar më tej në hetimin e çështjeve. Unë gjykoj që në raste që kemi proceduar, ne nuk kemi patur për mungesë provash, nxjerrje të ndonjë të pandehuri nga burgu. Ndërsa lidhur me masat e buta, kjo është një politikë penale që ndjek, organi i akuzës dhe gjykata, nuk ka të bëjë me policinë”. Dhe duket se zhurma e arrestimeve të fundit, nuk kanë ndikuar në vijimësinë e operacioneve, për të cilat drejtori Prençi, paralajmëron se do të vijojnë. Ahmet Prençi: “Kemi infrastrukturën ligjore mjaft të mirë, kemi ekipet që megjithëse janë në organizim e sipër në implementimin e ligjit dhe strukturës së re të policisë shtetit, po jep efektet mjaft pozitive dhe kjo përbën premisa për ta intensifiku dhe për të bërë punë më të kualifikuar, më profesionale, pra do të ketë operacione të tilla pa diskutim”./tvkaln.al Gazetare: Desada Metaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/