ATOAM. Fayendo un tamboril de castañal. Tene. Quirós

Esteban fai un tamboril de castañal y documéntase tol procesu. En Quirós y Teberga ḷḷámanse "tamboriles" a estas xiblatas d'arna/corteza del tiempu la primavera. Una de las fórmulas quirosanas p'amugar el palu ye: "Toca tamboril que yá tamos nel mes d’abril". Isti trabachu quier ser un homenaxe a la figura d’Esteban Viejo García de Tene (1932-2023), amigu y bon informador de la cultura quirosana, como tamién lo foron otros hermanos y hermanas pa tola xente que-ḷḷes picó na puerta casa. Ye tamién un regalu d’isti archivu al Muséu Etnográficu de Quirós. Xosé Ambás y Ramsés Ilesies.