RC SENDIGA AIPONGEZA HANANG KWA KUPATA HATI SAFI YA UKAGUZI

RC SENDIGA AIPONGEZA HANANG KWA KUPATA HATI SAFI YA UKAGUZI Mkuu wa Mkoa wa Manyara, Mheshimiwa Queen Cuthbert Sendiga, ameipongeza Halmashauri ya Wilaya ya Hanang kwa kuendelea kufanya vizuri katika ukaguzi wa hesabu za serikali na kusisitiza umuhimu wa kudumisha uwajibikaji katika matumizi ya fedha za umma. Akizungumza Juni 25, 2026 wakati wa Baraza Maalumu la Kujadili Taarifa ya Mdhibiti na Mkaguzi Mkuu wa Hesabu za Serikali (CAG), Mheshimiwa Sendiga amesema mafanikio hayo yanaonesha dhamira ya viongozi na watendaji katika kusimamia rasilimali za umma na kutekeleza miradi ya maendeleo kwa manufaa ya wananchi. Aidha, amesisitiza umuhimu wa kuongeza juhudi katika ukusanyaji wa mapato ya ndani na kubuni vyanzo vipya vya mapato ili kuongeza uwezo wa kugharamia miradi ya maendeleo na kuboresha huduma kwa wananchi. Mheshimiwa Sendiga amewapongeza viongozi, madiwani na watumishi wa Halmashauri ya Wilaya ya Hanang kwa ushirikiano wao na kuwataka kuendelea kudumisha kiwango hicho cha utendaji.