அக்கினிச் சட்டி,:

சோழவந்தான் அருகே கருப்பட்டி அருள்மிகு காளியம்மன் சந்தன மாரியம்மன் கோவில் திருவிழா பால்குடம் அக்னி சட்டி எடுத்து பக்தர்கள் நேர்த்திக்கடன் செலுத்தினர். சோழவந்தான் மே 21 மதுரை மாவட்டம் சோழவந்தான் அருகே கருப்பட்டி கிராமத்தில் தேவேந்திரகுல வேளாளர் சமூகத்திற்கு பாத்தியப்பட்ட அருள்மிகு ஸ்ரீ காளியம்மன் ஸ்ரீ சந்தன மாரியம்மன் ஸ்ரீ முனியாண்டி ஸ்ரீ மண்டு கருப்பு ஸ்ரீ அம்மச்சி அம்மன் கோவில் திருவிழாவை முன்னிட்டு பக்தர்கள் பால்குடம் அக்னி சட்டி எடுத்து நேர்த்திக்கடன் செலுத்தினர். காலை திருக்கோவிலில் இருந்து கிளம்பி வைகை ஆற்றுக்கு சென்று ஊர்வலமாக மேளதாளம் முழங்க பால்குடம் அக்னி சட்டி எடுத்தும் அலகு குத்தியும் தங்களது வேண்டுதலை நிறைவேற்றினர். முன்னதாக சக்தி கரகம் எடுத்தல் சக்திகிடா வெட்டுதல் நிகழ்வு நடைபெற்றது. விழாவிற்கான ஏற்பாடுகளை தேவேந்திர குல வேளாளர் மற்றும் கிராம பொதுமக்கள் செய்திருந்தனர்.