WAKAAZI WA KINUNI WAPAZA SAUTI KUHUSU VITENDO VYA KIHALIFU

Tatizo la usalama limeendelea kuwa miongoni mwa changamoto zinazowakabili wananchi wa baadhi ya maeneo ya Wilaya ya Magharibi "B" Unguja, hali inayotajwa kuathiri amani na utulivu wa jamii. Wakizungumza mbele ya Mkuu wa Wilaya ya Magharibi "B" Unguja, Ali Abdalla Said (Natepe), wakati wa ziara maalumu ya kusikiliza kero za wananchi, wakazi wa Shehia ya Kinuni wameiomba Serikali kuongeza juhudi za kukabiliana na vitendo vya uhalifu vinavyoendelea kujitokeza katika eneo lao. Kwa upande wake, Kaimu Mkuu wa Operesheni Wilaya ya Magharibi "B" Unguja, SP. Salum Amir Ngayana, amewahimiza wananchi kushirikiana na vyombo vya ulinzi na usalama kwa kutoa taarifa na ushahidi pale unapohitajika, ili kuwasaidia wahalifu kufikishwa mahakamani na sheria kuchukua mkondo wake. Naye Mkuu wa Wilaya ya Magharibi "B" Unguja, Ali Abdalla Said (Natepe), amesema Serikali itaendelea kushughulikia changamoto zinazowakabili wananchi kwa kushirikiana na viongozi wa shehia na vyombo vya ulinzi na usalama, kwa lengo la kuimarisha usalama, kulinda amani na kuchochea maendeleo ya jamii. Ziara hiyo imewashirikisha wananchi kutoka Shehia za Mnarani, Pangawe, Mambosasa, Kinuni na Muembe Majogo. #Zanzibar #MagharibiB #Kinuni #Usalama #Uhalifu #Amani #Polisi #AsamOnlineTV #TrendingNow