WANANCHI KWARARA WALALAMIKIA ONGEZEKO LA UVUTAJI BANGI

Wananchi wa Kwarara wameiomba Serikali kuchukua hatua za makusudi kukabiliana na tatizo la uvutaji wa bangi ambalo wamedai limekuwa likihatarisha usalama na kuwakosesha amani wakazi wa eneo hilo. Wakitoa malalamiko yao mbele ya Mkuu wa Wilaya ya Magharibi “B” Unguja, Ndg. Ali Abdallah Said (Natepe), wakati wa ziara maalumu ya kusikiliza changamoto za wananchi iliyofanyika Kwarara Madina, Mkoa wa Mjini Magharibi, wananchi hao wamesema matumizi ya bangi yamechangia kuongezeka kwa vitendo vya utovu wa nidhamu na kuhatarisha usalama wa jamii. Aidha, wameiomba Serikali pamoja na vyombo vya ulinzi na usalama kuongeza juhudi za kudhibiti matumizi na usambazaji wa dawa hizo za kulevya ili kurejesha utulivu na kuimarisha usalama wa wananchi. Kwa upande wake, Mkuu wa Wilaya ya Magharibi “B”, Ndg. Ali Abdallah Said (Natepe), ameahidi kuyafanyia kazi malalamiko hayo kwa kushirikiana na mamlaka husika ili kuhakikisha hatua stahiki zinachukuliwa kwa maslahi ya wananchi na maendeleo ya jamii. #Zanzibar #Kwarara #Usalama #DawaZaKulevya #Jamii #Tanzania #CommunitySafety #ForYou #FYP #TikTokTanzania #InstaNews #TrendingNow