Azərbaycan ət bazarında böhran: bazarlar bağlı, qiymət yüksəlir

Satıcını qazancından, alıcını qazanından edən xəstəlik - dabaq. COVID-19 insanları canından edirdisə, bu virus da heyvanların canına düşüb. Dabaq xəstəliyi həm heyvan bazarlarını bağlayıb, həm də insanların iştahasını. İndi çoxları rahatlıqla ət alıb yeməyə çəkinir. Ölkənin bir çox bölgəsində alıcılıq dayanıb. İndi həm ətin qiymətində artım, həm də qıtlıq riski var. Düzdür, hazırda bir sıra ölkələrdən Azərbaycana dondurulmuş ət gətirilir. Qiyməti yerli ətlə müqayisədə ucuz olsa da, dadı və keyfiyyəti eyni deyil. Axı Azərbaycan ətinin öz dadı var. Biz illərlə xaricə gedəndə “bizim ətin dadından yoxdur” deyirdik. İndi isə görünür, elə o xarici dadsız ətlərə möhtac qalacağıq. Hələlik bazarların nə vaxt açılacağı bəlli deyil. Əgər vəziyyət belə davam edərsə, ət qıtlığı yarana bilər. Bəs bu halda süfrələrimizdə ətin yerini nə dolduracaq? Bizi İzləyin: Whatsapp: https://bit.ly/457kdup Facebook: https://bit.ly/3H6GtMT Instagram: https://bit.ly/46wEkoi Teleqram: https://bit.ly/3INUKP2 Sayt: https://bit.ly/3UzGQme Copyright © İCTİMAİ TV