ಶ್ರೀ ಪಂಡಿತ ಹರಿದಾಸ ಭಟ್ಟರಿಂದ ಪ್ರವಚನ | ಶ್ರೀ ಬ್ರಹ್ಮೋತ್ಸವ 2023 | ಇಸ್ಕಾನ್ ಹರೇ ಕೃಷ್ಣ ಗಿರಿ

ಇಸ್ಕಾನ್ ಹರೇ ಕೃಷ್ಣ ಗಿರಿಯಲ್ಲಿ ನಡೆದ ಶ್ರೀ ಬ್ರಹ್ಮೋತ್ಸವ 2023 ರಲ್ಲಿ ಖ್ಯಾತ ವಿದ್ವಾಂಸ, ರಾಷ್ಟ್ರಪತಿ ಪ್ರಶಸ್ತಿ ಪುರಸ್ಕೃತ ಹಾಗೂ ಬೆಂಗಳೂರಿನ ಪೂರ್ಣಪ್ರಜ್ಞ ವಿದ್ಯಾಪೀಠದ ಮಾಜಿ ಪ್ರಾಚಾರ್ಯರಾದ ಶ್ರೀ ಪಂಡಿತ ಹರಿದಾಸ ಭಟ್ಟರು ಮುಖ್ಯ ಅತಿಥಿಯಾಗಿ ಭಾಗವಹಿಸಿದರು. ಕೃಷ್ಣನಿಗೆ ಅನನ್ಯರಾಗಿ ಶರಣಾಗುವ ಭಕ್ತರ ಯೋಗಕ್ಷೇಮವನ್ನು ಅವನು ಹೊತ್ತುಕೊಳ್ಳುತ್ತಾನೆ ಎಂದು ಭಗವದ್ಗೀತೆಯ ಶ್ಲೋಕವನ್ನು ತಮ್ಮ ಪ್ರವಚನದಲ್ಲಿ ಉಲ್ಲೇಖಿಸಿದರು. ಅದಕ್ಕೆ ಉದಾಹರಣೆಯಾಗಿ ದ್ರೌಪದಿಯ ಮಾನರಕ್ಷಣೆ ಮತ್ತು ರುಕ್ಮಿಣಿದೇವಿಯ ವಿವಾಹದ ಪ್ರಸಂಗಗಳನ್ನು ವಿವರಿಸಿದರು. ನಮ್ಮ ಸಂಪತ್ತಿನ ಒಂದು ಭಾಗವನ್ನು ಕೃಷ್ಣನ ಸೇವೆಗಾಗಿ ಬಳಸಿದರೆ ಅದು ನಮ್ಮಲ್ಲಿ ಸ್ಥಿರವಾಗಿ ಉಳಿಯುತ್ತದೆ ಎಂಬ ಸಂದೇಶವನ್ನು ನೀಡಿದರು. ಬ್ರಹ್ಮೋತ್ಸವದ ಕುರಿತು ಹರೇ ಕೃಷ್ಣ ಗಿರಿಯ ಮೇಲೆ ಭಗವಂತನ ಅರ್ಚಾ ವಿಗ್ರಹಗಳ ಆವಿರ್ಭಾವದ ಸುಸ್ಮರಣೆಯೇ ಬ್ರಹ್ಮೋತ್ಸವ. ಪ್ರತಿ ವರ್ಷ ಚೈತ್ರ ಮಾಸದಲ್ಲಿ (ಏಪ್ರಿಲ್-ಮೇ) 12 ದಿನಗಳ ಕಾಲ ಬ್ರಹ್ಮೋತ್ಸವ ನಡೆಯುತ್ತದೆ. ನಮಗೆ ಸೇವೆ ಸಲ್ಲಿಸುವ ಅವಕಾಶ ಕಲ್ಪಿಸಲು ದೇವೋತ್ತಮನು ಅರ್ಚಾ ವಿಗ್ರಹಗಳ ರೂಪದಲ್ಲಿ ಅವತರಿಸುತ್ತಾನೆ. ನಮ್ಮ ಲೌಕಿಕ ಪ್ರಜ್ಞೆಗೆ ಭಗವಂತನು ಅಲೌಕಿಕ. ನಮ್ಮ ಈಗಿನ ಕಣ್ಣುಗಳಿಂದ ನಾವು ಅವನನ್ನು ನೋಡಲಾರೆವು ಅಥವಾ ನಮ್ಮ ಈಗಿನ ಕಿವಿಗಳಿಂದ ಅವನನ್ನು ಕೇಳಲಾರೆವು. ಭಗವಂತನ ಸೇವೆಯಲ್ಲಿ ನಾವು ಯಾವ ಮಟ್ಟವನ್ನು ತಲಪಿದ್ದೇವೆಯೋ ಅಥವಾ ಯಾವ ಪ್ರಮಾಣದಲ್ಲಿ ನಮ್ಮ ಬದುಕು ಪಾಪಗಳಿಂದ ಮುಕ್ತವಾಗಿದೆಯೋ ಅದರಂತೆ ನಾವು ಭಗವಂತನನ್ನು ಗ್ರಹಿಸಿಕೊಳ್ಳಬಹುದು. ನಾವು ಪಾಪ ಕರ್ಮಗಳಿಂದ ಮುಕ್ತರಾಗಿಲ್ಲವಾದರೂ ದೇವರು ಎಷ್ಟು ಕರುಣಾಮಯಿ ಎಂದರೆ ದೇವಸ್ಥಾನಗಳಲ್ಲಿ ಅವನ ವಿಗ್ರಹ ರೂಪವನ್ನು ನೋಡುವ ಸೌಭಾಗ್ಯವನ್ನು ನಮಗೆ ಕಲ್ಪಿಸಿಕೊಟ್ಟಿದ್ದಾನೆ. ನಮ್ಮ ಮೇಲೆ ಕೃಪೆ ತೋರಿ ದೇವೋತ್ತಮನು 1997 ರಲ್ಲಿ ಹರೇ ಕೃಷ್ಣ ಗಿರಿಯ ಮೇಲೆ ಆವಿರ್ಭವಿಸಿದನು. ಈ ಸಂದರ್ಭವನ್ನು ಭಕ್ತರು ಬ್ರಹ್ಮೋತ್ಸವ ಎಂದು ಆಚರಿಸುತ್ತಾರೆ. ಬ್ರಹ್ಮೋತ್ಸವದ ಎಲ್ಲಾ ಆಶೀರ್ವಚನಗಳನ್ನು ಕೇಳಲು ಭೇಟಿ ನೀಡಿ:    • ಆಶೀರ್ವಚನಗಳು