#QU18R12 | القرآن الحکیم | سورۃ الکھف | #tafheemulquran #quranpk #signs #divinemessage #neutrality

تحقیق پر مبنی ترجمہ اور تشریح ۔عربی متن کی وضاحت اردوجبکہ مشکل اور نسبتاً نئے عربی الفاظ کی وضاحت ان کے حرف اصلی کی مدد سے اردو اور انگریزی میں کی گئی ہے۔ یہ رکوع مندرجہ ذیل پہلوؤں پر روشنی ڈالتا ہے: جانتے بوجھتے حق کا انکار ، اللہ تعالیٰ کی نشانیوں اور اس کے رسولوں کی ہنسی اڑانے کا انجام جہنم ہے۔ دنیا داری کے حصول کی خاطر کیے جانے والے اعمال کا نتیجہ دنیا میں ہی مل جاتا ہے اس لیے ایسے تمام اعمال آخرت میں بے وزن ثابت ہوتے ہیں کیونکہ کسی بھی کام کا معاوضہ دو بار نہیں ہوتا۔ جب کہ جو لوگ سچے دل سے پیغام حق کو قبول کرتے ہیں اور اعمال صالح انجام دیتے ہیں تو ان کا انجام بہت خوب ہے۔ ان کی مہمانی وسیع و عریض باغات میں کی جاتی ہے۔ یہ وہیں رہتے ہیں اور کبھی اپنی اس جگہ کو بدلنا نہیں چاہتے۔ ربّ کریم کے کلمات کا مکمل احاطہ کرنا انسانی بس سے باہر ہے۔ ہمارے ذمے مقدور بھر ان کو سمجھنا اور عمل کرنا ہے۔ ان کلمات کا پیغام یہ ہے کہ اللہ تعالیٰ وحدہ لاشریک ہی ہم سب کا الہٰ ہے۔ ہم سب کو ربّ کریم سے ملاقات کا یقین رکھنا ہے۔ اپنے ایمان و یقین کا ثبوت اعمال صالح سے دینا ہے اورکسی کو بھی اپنے ربّ کی بندگی میں شریک نہیں کرنا۔