#QU17R5 | القرآن الحکیم | سورۃ الاسراء/ بنی اسرائیل | #tafheemulquran #neutral #resurrection

تحقیق پر مبنی ترجمہ اور تشریح ۔عربی متن کی وضاحت اردوجبکہ مشکل اور نسبتاً نئے عربی الفاظ کی وضاحت ان کے حرف اصلی کی مدد سے اردو اور انگریزی میں کی گئی ہے۔ یہ رکوع مندرجہ ذیل پہلوؤں پر روشنی ڈالتا ہے: خالق حقیقی سب سے زیادہ اپنی تخلیق کی اہلیت سے آگاہ ہیں۔ چونکہ ہمارا شعور کسی بھی چیز کو ایک ہی بار میں مکمل طور پر نہیں سمجھتا ، اسی لیے ربّ کریم نے قرآن کریم میں ایک ہی بات کو طرح طرح سے دہرایا ہے، تاکہ ہم اس کے مختلف پہلوؤں سے واقف ہو جائیں، اسے خوب سمجھ لیں اور اس پر صحیح طور پر عمل کر کے شکر گزاری کا ثبوت دیں۔ ہمارے جسم میں موجود تمام نظام لاشعور کے زیر اثر اپنے فرائض انجام دے رہے ہیں۔ اختیار صرف شعوری حواس میں زیر بحث آتا ہے۔ اصل کام شعور کو لاشعور کے تابع کرنا ہے ۔ جو لوگ آخرۃ کی حقیقت سے بےبہرہ ہیں انہیں اس بات کا یقین نہیں ہے کہ انہیں مرنے کے بعد خلق جدید ہونا ہے اور اپنے اعمال کا بدلہ پانا ہے۔حالانکہ یہ کام اس خالق کائنات کے لیے کیا مشکل ہے جو اسے عدم سے وجود میں لایا ہے۔