Një ditë pas masakrës me 4 viktima në fshatin Shënavlash - (13 Nëntor 2005)

Lajme arkiva 2005 Jo vetëm në familjen Cara ku tre pjesëtarë të saj gjetën vdekjen, por në të gjithë fshatin Shënavlash ka rënë hija e mortit ku një natë më parë ndodhi masakra me 4 viktima. Vaj, dhimbja dhe rrobat e zeza kanë pllakosur familjen mirditore që do t’i jap lamtumirën e fundit 13-vjeçares Gentiana Cara dhe dy prindërve të saj Pjetër dhe Marie Cara. Pak metra ku gratë vajtojnë viktimat vëllai i Pjetër Carës njëkohësisht dhe misionar i paqes thotë për televizionin Klan se gjithçka pas tragjedisë që i ra fisit të tij do t’i besohet shtetit. Sipas tij nuk ka as kanun, as gjakmarrje e as hakmarrje. “Ligji është gjëja më e shenjtë. Hakmarrja është e kundra ligjshme. Jeta i ka këto. Fatkeqësi e radhë. As në kanunin e Mirditës, as të Tropojës, as të Pukës, as të Kukësit nuk është për të vrarë burri gra e fëmijë.” Dyert e familjes së Arben Vahaj tashmë i arrestuar së bashku me kunatin e tij Bardhok Vila janë të mbyllura. Ndërsa mes konfliktit të komshinjve që nisi për një tub uji dhe shoi katër jetë njerëzish qëndrojnë ende patrullat e policisë. E megjithatë në familjen tjetër ku nga shkëmbimi i zjarrit mbeti i vrarë Alfred Vila përveç njerëzve që nuk mungojnë të ngushëllojnë ka heshtje dhe shenja se ngujimi i prestarëve të tjerë sapo ka nisur. Masakra ku mbetën të vrarë tre pjesëtarë të familjes Cara ndodhi gjatë kohës që komshiu i tyre Arben Vahaj ishte shoqëruar nga dy kunetërit pukjanë Vila shkoj për të sqaruar konfliktin për tubin e ujit. Si pasojë e shkëmbimit të zjarreve mes palëve u vranë në lokalin e tyre bashkëshortët Pjetër dhe Marie Cara vajza e tyre ndërsa nga tre të tjerët humbi jetën Afred Vila./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/