Atentati tek Hotel Arbëria ( 18 Tetor 1999)

Hakmarrja nga Burreli kërkon të çojë në vend Kanunin e Lekë Dukagjinit në qendër të Tiranës. Disa metra larg Hotel Arbërisë pranë një lokali tek Fakulteti i Shkencave të Natyrës, dy të rinj 16 e 17 vjeçar kanë qëlluar drejt një autoveture me targa të huaja, sot rreth orës 17.00. Janë plagosur tre persona, drejtuesi i mjetit në dorë, një femër në kofshë dhe një i tretë në kokë dhe bark. Viktimat janë dërguar në spital ku i është dhënë ndihma e parë. Atentatorët janë larguar nga vendngjarja, por ndërhyrja e shpejtë e një autopatrulle të Shqiponjave ka bërë të mundur ndalimin e autorëve në një nga pallatet pranë vendit të atentatit,vetëm pak minuta pas tij. Po ashtu janë bllokuar dhe armët e krimit, një automtik kallashnikov dhe dy pistoleta tip TT. Sipas burimeve policore, atentatorët janë shoqëruar në dhomat e izolimit të Komisariatit numër 3. Grupi hetimor i Prokurorisë së Tiranës ka mbërritur pak minuta pas ngjarjes për të filluar nga puna për dokumentimin e provave materiale dhe provave në vendngjarje. Atentatorët mësohen të jenë nga rrethi i Burrelit ndaj dhe blutë po hetojnë si pistë të parë motivin e hakmarrjes. Janë shoqëruar për në Komisariat dhe tre dëshmitarët okularë të punësuar në lokalin nga i cili dolën dhe tre të plagosurit. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/