MWALIMU NYERERE NA MJI MKONGWE, WAKETI MEZA MOJA

Wanafunzi wa Chuo cha Mwalimu Nyerere Memorial Academy, Kampasi ya Zanzibar iliyopo Bububu, wamepatiwa mafunzo maalumu kutoka Mamlaka ya Mji Mkongwe kuhusu historia, utamaduni na urithi wa Mji Mkongwe wa Zanzibar. Mafunzo hayo yalihusisha mada mbalimbali ikiwemo historia ya Mji Mkongwe, majumba ya kihistoria pamoja na biashara ya utumwa iliyowahi kufanyika Zanzibar. Akiwasilisha mada kuhusu historia ya Mji Mkongwe, Afisa wa Mamlaka ya Mji Mkongwe, Ndugu Saleh Juma Makame, amesema lengo la mafunzo hayo ni kuwaelimisha vijana kuhusu historia, utamaduni na urithi wa Zanzibar ili kuusaidia kuhifadhi kwa vizazi vya sasa na vijavyo. Kwa upande wake, Naibu Mkurugenzi wa Kampasi ya Nyerere Memorial Academy, Dkt. Kiwubi, amesema mafunzo hayo yamewaongezea uelewa mkubwa kuhusu historia ya Mji Mkongwe na kuwataka waandaaji kuendelea kuyatoa kwa wanafunzi wa kozi mbalimbali. Nao baadhi ya wanafunzi walioshiriki mafunzo hayo wamesema yamewapa maarifa mapya kuhusu historia na vivutio vya Mji Mkongwe, huku wakitoa wito kwa mamlaka kuendelea kueneza elimu hiyo kwa jamii ili kuongeza uelewa wa wananchi kuhusu urithi wa Zanzibar. #Zanzibar #MjiMkongwe #StoneTown #Heritage #Education #NyerereMemorialAcademy #Utamaduni #Historia #AsamOnlineTV #TrendingNow