திருநெய்த்தானம்(தில்லைஸ்தானம்) - கொல்லியான் குளிர் தூங்கு குற்றாலத்தான் - திருநாவுக்கரசர் தேவாரம்

05.034 திருநெய்த்தானம்(தில்லைஸ்தானம்) | கொல்லியான் குளிர் தூங்கு குற்றாலத்தான் | திருநாவுக்கரசர் தேவாரம் | ‪@ThiruneriyaThamizhosai‬ திருநெய்த்தானம் திருவையாற்று சப்தஸ்தான தலங்களில் ஏழாவது தலம். திருவிழா காலத்தில் ஏழூர் பல்லக்குகளையும் ஒரே இடத்தில் கண்டு களிக்கும் சிறப்புடைய தலம். இறைவர் : ஸ்ரீ நெய்யாடியப்பர் இறைவியார் : ஸ்ரீ பாலாம்பிகை தனது உள்ளத்தில் பெருமானை நிலைநிறுத்தி மனம் மகிழ்ந்த அப்பர் பிரான், உலகத்தவர் அனைவரும் இந்த பேற்றினை பெறவேண்டும் என்று விரும்புகின்றார். அந்த விருப்பத்தின் அடிப்படையில் எழுந்தது தான் இந்த திருத்தாண்டகப் பதிகம். பதிகத்தின் அனைத்துப் பாடல்களிலும் உலகத்தவர் எத்தகைய தவறுகள் செய்து, இறை சிந்தனையில் ஈடுபடாமல் இருக்கின்றனர் என்பதை உணர்த்தும் அருமையான பதிகம். மேலும் அத்தகைய தவறுகளால் ஏற்படும் விளைவுகளையும் எடுத்துச் சொல்லி அனைவர்க்கும் அறிவுரை கூறும் பதிகமாகவும் திகழ்கின்றது. ஒரு செயலைச் செய்ய நினைத்தல் முதற்படி. நினைதல் ஏற்படின் செயல் செய்வது உறுதி. இது கருதியே நினைந்தக்கால் உய்யலாம் என்று அப்பர் பிரான் கூறுகின்றார். நெய்த்தானம் தலத்திற்கு பெருமை சேர்ப்பது இறைவன் என்பதால், நெய்த்தானம் என்று நினைத்தாலே உய்வினை அடையலாம் என்று கூறுகின்றார். நெய்த்தானம் தலத்தில் பல நாட்கள் தங்கியிருந்து உழவாரப் பணிகள் செய்தவாறும் பதிகங்கள் பாடியவாறும் காலத்தை கழித்த அப்பர் பிரான், அந்த தலத்து இறைவனைத் தொழுத அடியார்களையும் கூர்ந்து நோக்கினார் போலும். அப்போது தான் கண்ட அடியார்களின் தன்மையை உணர்ந்த அப்பர் பிரான், அந்த தன்மைகளை பதிகமாக பாடி அருளிய பதிகமாக இந்த குறுந்தொகைப் பதிகம் அமைந்துள்ளது. 00:14 கொல்லியான் குளிர் தூங்கு குற்றாலத்தான் புல்லியார் புரம்மூன்றும் எரிசெய்தவன் நெல்லியான் நிலையான நெய்த்தானனைச் சொல்லி மெய் தொழுவார் சுடர்வாணரே. ..... (01) 02:21 இரவனை இடுவெண்தலை ஏந்தியை பரவனை படையார் மதில் மூன்றையும் நிரவனை நிலையான நெய்த்தானனை குரவனை தொழுவார் கொடிவாணரே. ..... (02) 03:38 ஆனிடை ஐந்தும் ஆடுவர் ஆர் இருள் கானிடை நடம் ஆடுவர் காண்மினோ தேனிடை மலர் பாயும் நெய்த்தானனை வானிடைத் தொழுவார் வலிவாணரே. ..... (03) 05:46 விண்டவர் புரம் மூன்றும் வெண்ணீறு எழக் கண்டவன் கடிதாகிய நஞ்சினை உண்டவன் ஒளியான நெய்த்தானனைத் தொண்டராய்த் தொழுவார் சுடர்வாணரே. ..... (04) 06:57 முன்கை நோவக் கடைந்தவர் நிற்கவே சங்கியாது சமுத்திர நஞ்சு உண்டான் நங்கையோடு நவின்ற நெய்த்தானனைத் தம்கையால் தொழுவார் தலைவாணரே. ..... (05) 08:04 சுட்ட நீறு மெய் பூசிச் சுடலையுள் நட்டம் ஆடுவர் நள்ளிருள் பேயொடே சிட்டர் வானவர் தேரும் நெய்த்தானனை இட்டமாய்த் தொழுவார் இன்பவாணரே. ..... (06) 09:24 கொள்ளித் தீயெரி வீசிக் கொடியதோர் கள்ளிக் காட்டிடை ஆடுவர் காண்மினோ தெள்ளித் தேறித் தெளிந்து நெய்த்தானனை உள்ளத்தால் தொழுவார் உம்பர்வாணரே. ..... (07) 10:23 உச்சிமேல் விளங்கும் இளவெண்பிறை பற்றி ஆடு அரவோடும் சடைப்பெய்தான் நெற்றியார் அழல் கண்ட நெய்த்தானனைச் சுற்றி மெய் தொழுவார் சுடர்வாணரே. ..... (08) 11:40 மாலொடும் மறை ஓதிய நான்முகன் காலொடும் முடி காண்பு அரிது ஆயினான் சேலொடும் செருச் செய்யும் நெய்த்தானனை மாலொடும் தொழுவார் வினை வாடுமே. ..... (09) 13:20 வலிந்த தோள்வலி வாள் அரக்கன்தனை நெருங்க நீள்வரை ஊன்று நெய்த்தானனார் புரிந்து கைந்நரம்போடு இசை பாடலும் பரிந்தனை பணிவார் வினை பாறுமே. ..... (10) பொருளுரை : வலிமை பெற்ற தோளாற்றல் உடைய இராவணனை நீண்டவரை நெருங்கும்படித் திருவிரலையூன்றிய திருநெய்த்தானனாரை விரும்பி கைநரம்புகளோடு இசையினால் அவன் பாடுதலும் அதற்கு விரும்பிய பெருமானைப் பணிவார்களின் வினைகள் கெடும். ஆலய முகவரி : அருள்மிகு நெய்யாடியப்பர் திருக்கோவில், தில்லைஸ்தானம் அஞ்சல், தஞ்சாவூர் மாவட்டம், PIN - 613 203. எப்படிப் போவது : திருவையாறு - திருக்காட்டுப்பள்ளி சாலையில் திருவையாற்றில் இருந்து மேற்கே சுமார் 1.5 கி.மீ. தொலைவில் இந்த சிவஸ்தலம் அமைந்துள்ளது. 01.015 திருநெய்த்தானம் | மையாடிய கண்டன்மலை மலைமகள் | திருஞானசம்பந்தர் தேவாரம் |    • திருநெய்த்தானம் - மையாடிய கண்டன்மலை மலைமகள...   04.037 திருநெய்த்தானம் | காலனை வீழச்செற்ற கழலடி இரண்டும் | திருநாவுக்கரசர் தேவாரம் |    • திருநெய்த்தானம்(தில்லைஸ்தானம்) - காலனை வீழ...   குறிப்பு : இப்பதிகத்திற்கான சொற்பிரிவு எங்களது முயற்சியில் உருவாக்கப்பட்டுள்ளது. பிழை இருப்பின் எங்களுக்கு தெரியப்படுத்தலாம். "மேன்மைகொள் சைவநீதி விளங்குக உலகம் எல்லாம்"