Irandam Thiruvandadi 6,7🙏ఇరణ్డామ్ తిరువందాది 6,7 పాశురములు

నేటి ప్రశ్నలు: ఇరణ్డామ్ తిరువందాది 6,7 పాశురములు 1) భగవంతుని శ్రీపాదాలను దర్శించడం ఎలా!? సమాధానము : త్రికరణ శుద్ధిగా, ప్రతిఫలాపేక్ష లేకుండా, కైంకర్యం చెయ్యడమే ప్రయోజనంగా కైంకర్యం చేసే వారికి భగవంతుడు తన శ్రీపాద పద్మములను దర్శింప జేస్తాడు. 2) "పెరుమ్ తవత్తోర్" అనుట ద్వారా ఎవరిని గురించి చెప్పారు? సమాధానము : "పెరుమ్ తవత్తోర్" అనుట ద్వారా ప్రపన్నుల గురించి చెప్పారు. 3) 6వ పాశురంలో మానసిక, కాయక, వాచిక కైంకర్యాలను సూచించే పాశురపదాలు ఏవి? సమాధానము : 6వ పాశురంలో "అఱిన్దు ఐన్దుమ్ ఉళ్ అడక్కి" అనే పాశుర పదం మానసిక కైంకర్యమును, "ఆయ్ మలర్ కొణ్డు" అనే పాశుర పదం కాయక కైంకర్యమును, "ఆర్వమ్ శెఱిన్ద ౹ మనత్తరాయ్ చ్చెవ్వే । అఱిన్దు అవన్ఱన్ పేర్ ఓద ఏత్తుమ్" అనే పాశుర పదం వాచిక కైంకర్యమును సూచిస్తున్నాయి. 4) 7వ పాశుర వ్యాఖ్యానంలో నముచిని గురించి ఎందుకు ప్రస్తావించారు? సమాధానము : నముచి భగవద్విరోధి. త్రివిక్రమావతార సమయంలో భగవంతునికి భయపడి పారిపోయిన నముచిలా, భగవంతుని చేరుకునేందుకు అడ్డంకులైన మన పాపాలు కూడా భయపడి తొలగిపోతాయని సూచించుట కొఱకే 7 వ పాశుర వ్యాఖ్యానంలో నముచిని గురించి ప్రస్తావించారు. #irandam_thiruvandadi #pasuram6 #pasuram7 #pudattazhwar #bhuta_yogi #srirangam #thirumala #6years_of_ynv_goshti #yathirajanadhavalli_goshti #padmajaramanujadasi #acharya_vaibhavam #ramanuja_vaibhavam #bhagavad_ramanuja #thirunakshatram #divyadesalu #samasrayanalu #vaishnava_sampradayam #srivaishnavism #bhagavadvishayam #alwar #azhwar #andal #goda #krishna 6) అఱిన్దు ఐన్దుమ్ ఉళ్ అడక్కి । ఆయ్ మలర్ కొణ్డు । ఆర్వమ్ శెఱిన్ద ౹ మనత్తరాయ్ చ్చెవ్వే । అఱిన్దు అవన్ఱన్ పేర్ ఓద ఏత్తుమ్ ౹ పెరుమ్ తవత్తోర్ కాణ్బరే ౹ కారోదవణ్ణన్ । క్కழల్ II 2187 ప్రతిపదార్థములు : అఱిందు = భగవంతుని గుణ విశేషముల తెలిసికొని ; విందుం ఉళ్ అడక్కి = పంచేంద్రియములనులోన అడగించి ; ఆయ్ మలర్ కొండు = భగవంతునికై మంచి పువ్వులను గ్రహించి ; ఆర్వం శెఱింద మనత్తర్ ఆయ్ = భక్తి భావము నిండిన మనస్సు కలవారై ; శెవ్వే అఱిందు = భగవత్తత్వమును తెలిసి కొని ; అవన్ తన్ పేర్ ఓది ఏత్తుం = స్వామి నామముల నభ్యసించి స్తుతించు వారు ; పెరుంతవత్తోర్ = మహాభాగ్యశాలురు ; కార్ ఓదం వణ్ణన్ కళల్ = నల్లని సంద్రపు వర్ణము గల హరి పాదములను = కాణ్బర్ ఏ = దర్శింపగలరు. భావము : భగవద్గుణ విశేషముల తలపున నిలిపి పంచేంద్రియములను లోన నణచి, నిర్మల మానసమున భగవతత్త్వమును తెలిసికొని, నామ సంకీర్తనలు చేయు వారు, గొప్ప మహర్షులై కడలివర్ణముగల శ్రీమన్నారాయణుని పాద పద్మముల దర్శింప గలరు. 7) క్కழల్ ఎడుత్తు వాయ్ మడిత్తు । క్కణ్ శుழన్ఱు । మాற்றாర్ అழలెడుత్త ౹ శిన్దైయరాయ్ అఞ్జ ౹ త్తழలెడుత్త పోర్ ఆழிయేన్టినాన్ ౹ పొన్మలర్ చ్చేవడియే । ఓర్ ఆழிనెఞ్జే ఉగన్దు ॥ 2188 ప్రతిపదార్థములు : ఆళినెంజే = గంభీరమగు ఓ మనసా ; కళల్ ఎడుత్తు = పాదములను పైకెత్తి, మాற்றாర్ = పగవారు, వాయ్ మడిత్తు = పెదవుల మడచుకొని ; కణ్ శుழన్ఱు = కనుగ్రుడ్లు తిరుగాడగ ; తళల్ ఎడుత్త పోర్ ఆళి = జ్వాలల వీచెడి యుద్ధోన్ముఖమగు చక్రమును ; ఏత్తినాన్ = ధరించిన వాని ; పొన్మలర్ శే అడియే = బంగారు వన్నెల అందమైన అడుగును ; ఉగందు = తెలిసికొని ; ఓర్ =తలచుకొనుము. భావము : ఓ గంభీర చిత్తమా ! నీవు ఆ శ్రియఃపతి పాదములనే చింతించుము. స్వామి త్రివిక్రమమూర్తిగ అడుగులను పైకెత్తి అవనీతలమును కొలిచిన వేళ, పగ వారు సహింపలేక, గజగజ వణుకుచు ఔడు (క్రింద పెదవి) కఱచుచు కన్నులు గిరగిర తిరుగు చుండగ నిలిచిరి. జ్వాలలతో ప్రకాశించు యుద్ధోన్ముఖమగు చక్రాయుధము ధరించి వెలుగు లీనెడి శ్రీహరి కెంజాయల పాద పద్మములను దర్శింపుము. పుష్ప పేశలమగు అడుగులను నాశ్రయింపుము. పూదత్తాழ்వార్ తిరువడిగళే శరణమ్ ఆழ்వార్, ఎమ్బెరుమానార్, జీయర్ తిరువడిగళే శరణమ్* ━❀꧁꧂❀┅ ధరణి ┅❀꧁꧂❀━ ONLINE CLASSES Daily from 3.30pm to 5pm FCC (Free Conference Call) LINK: https://join.freeconferencecall.com/p... TELEGRAM LINK: https://t.me/joinchat/LyoBXhelW-PjquD... YOUTUBE LINK:    / @padmajaramanujadasi   WEBSITE ADDRESS: https://padmajaramanujadasi.com/te/ WHATSAPP CHANNEL LINK: https://whatsapp.com/channel/0029Va6S... INSTAGRAM LINK https://www.instagram.com/padmaja_ram... FACEBOOK LINK   / 1evsdq7rau   అడియేన్ రామానుజదాసి🙏