Irandam Thiruvandadi14,15🙏ఇరణ్డామ్ తిరువందాది 14,15 పాశురములు

నేటి ప్రశ్నలు: ఇరణ్డామ్ తిరువందాది 14,15 పాశురములు 1) నేటి పాశురాల నేపథ్యంలో మనం అనుష్ఠాన పర్యంతం ఏమి అవలంబించాలి ? సమాధానము : నేటి పాశురాల నేపథ్యంలో మనం నిరంతరం భగవన్నామోచ్చారణ చేస్తుండవలెనని తెలుసుకున్నాము. 2) "పழி, పావమ్" అంటే ఏమిటి? సమాధానము : "పழி" అంటే తెలియక చేసిన పాపములు లేదా నిందలు, "పావమ్" అంటే తెలిసి చేసిన పాపములు. 3) ఆళ్వార్లు "పేర్ ఓది" అనుట ద్వారా భగవన్నామం ఎలా చెప్పాలని సూచించారు? సమాధానము : భగవన్నామాన్ని నిరంతరం నిష్కామంగా త్రికరణశుద్ధిగా నామోచ్చారణే ప్రయోజనంగా చెప్పాలని ఆழ்వార్లు "పేర్ ఓది" అనుట ద్వారా సూచించారు. 4) 14వ పాశురంలో ఆళ్వార్లు సంసారి చేతనులను ఏమని సంభోదించారు? ఏమి ఉపదేశించారు? సమాధానము : 14వ పాశురంలో ఆழ்వార్లు సంసారి చేతనులను పేదైగాళ్ = బుద్ధిహీనులారా! అని సంభోదించారు. ఆழ்వార్లు చేతనుల నుద్దేశించి, "ఓ బుద్ధిహీనులారా! మీ కడుపునే ఓ పెద్ద నగరంగా చేసుకొని, ఏది పడితే అది ఆ కడుపులో వేసేస్తూ తెలియక కొన్ని, తెలిసి కొన్ని పాపాలను చేస్తూ ఇహలోక వాసులను స్తుతిస్తూ జీవింపక, సదా ఆ త్రివిక్రముని నామాన్ని కీర్తిస్తూ పవిత్రులుగా జీవించండి" అని ఉపదేశించారు. #irandam_thiruvandadi #pasuram14 #pasuram15 #pudattazhwar #bhuta_yogi #srirangam #thirumala #6years_of_ynv_goshti #yathirajanadhavalli_goshti #padmajaramanujadasi #acharya_vaibhavam #ramanuja_vaibhavam #bhagavad_ramanuja #thirunakshatram #divyadesalu #samasrayanalu #vaishnava_sampradayam #srivaishnavism #bhagavadvishayam #alwar #azhwar #andal #goda #krishna 14) పణ్డి ౹ ప్పెరుమ్ పతియైయాక్కి। పழி పావమ్ కొణ్డు ౹ ఇఙ్గు వాழ்వారై క్కూఱాదే ౹ మురళీ తిశైయుమ్ పేర్ త్త కరమ్ నాన్గుడైయాన్ ౹ పేరోదిప్పేతైకాళ్ ౹ తీర్తకరరామిన్ ౹ తిరిన్దు॥ 2195 ప్రతిపదార్థములు : పండిప్పెరుం పదియై యాక్కి = ఉదరమునే ఒక నగరముగ నెంచి దానిని నింపుటయే పనిగ తలచి ; పழி పావమ్ కొండు = తెలిసి, తెలియక చేసిన పాపముల తోటి ; పేదైకాళ్ = మూర్ఖులారా ; వాழ்వారై క్కూఱాదే = సంసారమున నున్న మీ వంటి వారిని పొగడుటను మానుడు ; ఎణ్ దిశైయుం పేర్ త్త = ఎనిమిది దిక్కులకు వ్యాపించిన ; కరం నాంగు ఉడైయాన్ = నాలుగు భుజములు కలవాని ; పేర్ ఓది = నామ కీర్తనలు చేసి ; తిరిందు = సంచరించి ; తీర్తకరర్ = తీర్థకరులు ; ఆమీన్ = కండు భావము : వివేకహీనులారా ! మీ ఉదరమును నొక నగరము వలె తలచి, పలు వస్తువులతో దానిని నింపి, వృద్ధి చేసి తెలియక చేసిన దోషములును, తెలిసి చేసిన దోషములును ఎక్కువ చేసికొని, ఈలోకమున మీ వలె నున్న వారిని, స్తుతించి పాడుటను వదిలి పెట్టుడు. అష్టదిక్కుల యందు వ్యాపించి జగమును కొలిచిన చతుర్భుజుడు త్రివిక్రముని నామ సంకీర్తనల చేసి మీరున్న భువిని పావనముగావించి తీర్థకరులుగ ప్రసిద్ధిని పొందుడు. 15) తిరిన్దదు వెమ్ శమత్తు । త్తేర్ కడవి । అన్ఱు పిరిన్దదు శీతయై । మాన్ పిన్ పోయ్ । పురిన్దదువుమ్ కణ్ పళ్ళికొళ్ళ । అழకియతే । నాకత్తిన్ తణ్ పళ్ళికొళ్వాన్ ౹ తనక్కు ॥ 2196 ప్రతిపదార్థములు : వెమ్ సమత్తు = క్రూరమగు భారత సంగ్రామము నందు ; తేర్ కడవి తిరిందదుం = తేరు నడిపి తిరిగినదియు ; అన్ఱు = ఆనాడు రామావతారమున ; మాన్ పిన్ పోయ్ = జింక వెంట వెడలి ; సీదైయై పిరిందదుం = సీతను ఎడబాసినదియు ; కణ్పళ్ళికొళ్ళ = నేలపై పండుకొనినదియు ; పురిందదువుం = మొదలగు కృత్యములు ; నాగత్తిన్ తణ్ పళ్ళి కొళ్వాన్ తనక్కు = నాగముపై పవళించు స్వామికి ; అழకియతే = తగినదేనా ? భావము : శ్రీ కృష్ణావతారమున భారత సంగ్రామ మందు పార్థసారధిగ పార్థునకు రథమును నడిపినదియు, శ్రీరామావతారమున మారీచుడను మాయాలేడిని వెంబడించి, సీతాదేవిని ఎడబాసి దుఃఖించుచు మట్టి నేలపై శయనించిన దురవస్థలను పొందినదియు, చల్లని అనంతునిపై శయనించు శ్రీమన్నారాయణుని అనుభవము లేనా ? పూదత్తాழ்వార్ తిరువడిగళే శరణమ్ ఆழ்వార్, ఎమ్బెరుమానార్, జీయర్ తిరువడిగళే శరణమ్ ━❀꧁꧂❀┅ ధరణి ┅❀꧁꧂❀━ ONLINE CLASSES Daily from 3.30pm to 5pm FCC (Free Conference Call) LINK: https://join.freeconferencecall.com/p... TELEGRAM LINK: https://t.me/joinchat/LyoBXhelW-PjquD... YOUTUBE LINK:    / @padmajaramanujadasi   WEBSITE ADDRESS: https://padmajaramanujadasi.com/te/ WHATSAPP CHANNEL LINK: https://whatsapp.com/channel/0029Va6S... INSTAGRAM LINK https://www.instagram.com/padmaja_ram... FACEBOOK LINK   / 1evsdq7rau   అడియేన్ రామానుజదాసి🙏