🇲🇲🇷🇺Myanmar Thaing Performance in Russia၊ မြန်မာ့သိုင်း

လက်ရှိအခြေအနေတွင် ကျွန်တော် တန်ဖိုးထားသောအရာ၊ အလိုအပ်ဆုံးသောအရာ၊ မလောက်ငှသောအရာ နှင့် ‌‌ပေးကမ်းရန် နှမျှောတွန့်တိုသောအရာကို ပြောပါဆိုလျှင် ကျွန်တော့်၏ "အချိန်များ" ပဲ ဖြစ်ပါသည်။ ကျွန်တော့်၏ နေ့စဉ်အချိန်များကို ကျွန်တော့် သုတေသနသိပ္ပံပညာရေး လုပ်ငန်းစဉ်များမှာသာ အများဆုံးမြှုပ်နှံထားရပါသည်။ အချိန်နည်းပါးသည့်ကြားမှ အခြေအနေအချိန်အခါ အခွင့်သင့်ရတုန်း ကျွန်တော်ရိုသေလေးစားသည့် မြန်မာ့ရိုးရာသိုင်းပညာရပ်များကို ပြန့်ပွားစေရေးအလို့ငှာ မိမိတတ်နိုင်သမျှ ကြိုးစားတင်ဆက်ပြသခဲ့ခြင်းဖြစ်ပါသည်။ မြန်မာ့သိုင်းသည် ကျွန်တော်အတွက် ကျန်းမာကြံ့ခိုင်ခြင်း၊ သန်စွမ်းဖျတ်လတ်ခြင်း၊ ‌မှတ်ဉာဏ်ကောင်းစေခြင်း စသည့် ရုပ်ပိုင်းဆိုင်ရာ "ကာယဗလ" များကို ပေးနိုင်စွမ်းသည့်အပြင် မိမိကိုယ်ကို ယုံကြည်မှုခိုင်မာစေခြင်း၊ အောင်စိတ်ခွန်အားများရရှိစေခြင်း ၊ စိတ်ဖိိစီးမှုများ လျော့ကျစေခြင်း သည့် စိတ်ပိုင်းဆိုင်ရာ "စိတ္တသုခ"များကို ပေးနိုင်စွမ်းပါသည်။ ထို့အပြင် မြန်မာ့သိုင်းမှ စိတ်ရှည်ခြင်း၊ သည်းခံခွင့်လွှတ်ခြင်း၊ သနားကြင်နာခြင်း၊ ‌မာနထောင်လွှားမှုကို လျော့ကျစေ၍ မိမိကိုယ်ကို နှိမ့်ချလာတတ်ခြင်းစသည့် "စာရိတ္တဗလ" ကို သန်မာလာစေသည့်အပြင် ယခုနိုင်ငံရပ်ခြားတွင်ပင်လျှင် နိုင်ငံရပ်ခြားအသိမိတ်ဆွေများပေါများလာပြီး မိတ်သင်္ဂဟ "မိတ္တဗလ" ကို ပြည့်စုံဖွံ့ဖြိုးလာစေသည့်အတွက်ကြောင့် လက်ရှိလျှောက်လှမ်းနေသည့် သုတေသနပြု ပညာရေးလမ်းခရီးတွင် စိန်ခေါ်မှုများအခက်အခဲများကြားမှ မျှော်လင့်ထားသည့်ထက်ပင် ပိုမိုအဆင်ပြေစေလျက်ရှိနေပါတော့သည်။ Assoc. Prof. of MPEI, Dr. Myo Min Thant. ၃၁-၃-၂၀၂၅