Antieke wêreldbeskouings wat ons beheer 8 | Descartes leer ons vrae vra •Philip Liebenberg

Waar begin sekerheid? By die kerk? By tradisie? By die wêreld om ons? Of begin dit in jou eie bewussyn? Hierdie praatjie is ‘n afsaal oomblik by René Descartes, die filosoof wat alles in twyfel getrek het – sintuie, tradisie, selfs die werklikheid self – om een onbetwiste ankerplek te vind: die denkende self. Sy bekende insig “Ek dink, daarom is ek” het ‘n nuwe era ingebeier waarin die Westerse mens nie meer die kosmos of openbaring as vertrekpunt gebruik nie, maar die individu se eie bewussyn. Hierdie verskuiwing het egter ook die groot probleem, waarmee ons reeds bekend is, geskep: die skeiding tussen gees en liggaam. Die praatjie verken hoe Descartes se idees die moderne wêreld help vorm het – van ons begrip van bewussyn en identiteit tot by die vrae wat vandag deur neurowetenskaplikes gestel word. ’n Reis na die oomblik toe die Westerse mens begin sê het: “Die sekerste wat ek in die wêreld kan wees… is dat ek dink.” Soos met al die praatjies in hierdie reeks bekyk ons die geskenk sowel as die slaggate waarmee Descartes ons bedien. #Descartes #ModerneSelf #Filosofie #Bewussyn #GeesEnLiggaam #WesterseDenke #GeloofEnRede