Iqbal aor Germany aor Spain by Dr.Rabia اقبال اور جرمنی اور سپین کے اسفار از ڈاکٹر رابعہ سرفراز

اقبال اور جرمنی اور اسپین کے اسفار از ڈاکٹر رابعہ سرفراز Iqbal aor Germany aor Spain k asfar by Dr.Rabia Sarfraz جرمنی اور چین کے اسفار انگلستان کے علاوہ علامہ اقبال نے دوسرے یورپی ممالک کا سفر بھی اختیار کیا ۔ اس حوالے سے جرمنی اور سیین کے سفروں کو بڑی اہمیت حاصل ہے۔ اقبال جولائی ۱۹۰۷ء کے تیسرے ہفتے میں جرمنی گئے ۔ اُن کا پہلا قیام ہائیڈل برگ میں تھا۔ جہاں انہوں نے جرمن زبان سیکھنا شروع کی تاکہ میونخ یونیورسٹی میں اپنے تحقیقی مقالے کے بارے میں زبانی امتحان کی تیاری کر سکیں۔ ہائیڈل برگ جرمنی کا ایک چھوٹا سا شہر ہے جو اپنی سیر گاہوں ، پھلوں کے باغات اور پھولوں کی وجہ سے بہت مشہور ہے۔ اقبال نے ہائیڈل برگ میں تقریبا چار ماہ تک قیام کیا۔ اس دوران میں وہ جرمن زبان اور ادب کی تعلیم میں مشغول رہے۔ اس سلسلہ میں انہوں نے دو پروفیسر لڑکیوں ایما ویگے ناست اور فراو لین سینے شل سے رہنمائی حاصل کی۔ اقبال نے اپنی زندگی کے بہترین لمحے یہاں گزارے۔ وہ طلبہ میں نہایت ذہین سمجھے جاتے تھے اور ہر کام میں دیکھ ہی رکھتے تھے۔ اس زمانے میں اقبال میونخ بھی آتے جاتے رہے تھے۔ یہ شہر اپنے کلیساؤں ، عجائب گھروں اور کتب خانوں کی وجہ سے بہت مشہور ہے۔ اقبال نے میونخ یونیورسٹی میں اپنا تحقیقی مقالہ پیش کر رکھا تھا اور انہیں پی۔ ایچ۔ ڈی کے زبانی امتحان کے لیے بھی اسی یونیورسٹی میں آنا تھا۔ میونخ میں اقبال پر و فیسران اور ان کی بیٹی فراو لین ران سے بھی جرمن زبان، ادب اور فلسفہ کے سلسلہ میں رہبری حاصل کرتے تھے۔