Iqbal aor Tasawuf by Dr.Rabia Sarfraz اقبال اور تصوف از ڈاکٹر رابعہ سرفراز

اقبال اور تصوف از ڈاکٹر رابعہ سرفرازIqbal aor Tasawuf by Dr.Rabia Sarfraz اقبال اور تصوف تصوف کے بارے میں اقبال کے نقطہ نظر کے سمجھے بغیر اقبال کے ذہنی رجحانات کا جائزہ اور تنقید نامکمل رہتی ہے۔ طلوع اسلام کے بعد دو سو سال تک صوفی کی اصطلاح کے حوالے سے کوئی قابل ذکر تعریف یا بیان نہیں ملتا ۔ تصوف کے بعض سلسلے حضرت علی کرم اللہ وجہہ سے ملتے ہیں اور بعض حضرت ابو بکر صدیق رضی اللہ عنہ سے جبکہ بعض صوفیوں نے اپنے سلسلے کو رسول کریم صلی اللہ علیہ وسلم کے اسوۃ خسنہ کا عکس قرار دیا ہے اور ان کے نزدیک اخلاق نبوی کو قلب میں سمونے کا نام تصوف ہے۔ تصوف کے تمام نظریات میں ایک بات مشترک ہے اور وہ یہ ہے کہ محسوسات اور معقولات کے علاوہ اور ان سے کہیں زیادہ حقیقت کے ادراک کے کچھ اور ذرائع ہیں ، جو وجدانی ہیں۔ ظاہری حواس کے علاوہ انسان کے باطنی حواس اس پر ہستی کے بعض ایسے پہلووں کو منکشف کرتے ہیں جن تک عقل اور ظاہری حواس کی رسائی نہیں۔