CORECU yatakiwa kuhakikisha wakulima wanazingatia uzalishaji wenye tija ili kukuza uchumi wao na kuo

Mkuu wa Mkoa wa Pwani, Abubakar Kunenge, ameielekeza CORECU kuhakikisha wakulima wanazingatia uzalishaji wenye tija ili kukuza uchumi wao na kuongeza mapato ya mkoa na Taifa. Ameyasema hayo wakati wa ufunguzi wa Mkutano Mkuu wa 32 uliofanyika Kibaha. Amesisitiza umuhimu wa kufanya tathmini ya mara kwa mara kwa Vyama vya Ushirika vya Msingi (AMCOS) na kuweka malengo madhubuti yatakayosaidia kuongeza uzalishaji wa mazao ya kilimo. Pia amewataka wakulima kuacha kusafisha mashamba kwa kuchoma moto, badala yake watumie njia bora za kilimo ili kulinda mazingira na kuunga mkono juhudi za Serikali katika kuboresha sekta ya kilimo. Kwa upande mwingine, Meneja wa CORECU amesema chama kinaendelea kuimarisha ushirika wa kibiashara kwa kujenga maghala, ambapo vyama 13 tayari vimekamilisha ujenzi na 27 vimenunua viwanja kwa ajili ya miradi hiyo.