အီရန်ခေါင်းဆောင် ဈာပနမှာ ထရမ့်ကို လုပ်ကြံဖို့ လှုံ့ဆော်မှုတွေ ပေါ်ပေါက်

အီရန်ခေါင်းဆောင် ဈာပနမှာ ထရမ့်ကို လုပ်ကြံဖို့ လှုံ့ဆော်မှုတွေ ပေါ်ပေါက် −−−−−−−−−−−−−−−−−−   အီရန်နိုင်ငံရဲ့ အမြင့်ဆုံးခေါင်းဆောင် အယာတိုလာ အလီ ခါမေနီရဲ့ ဈာပနကို မြို့တော် တီဟီရန်မှာ ကျင်းပနေပြီး ဒီအခမ်းအနားမှာ အမေရိကန်သမ္မတ ထရမ့်ကို လုပ်ကြံသတ်ဖြတ်ဖို့ လှုံ့ဆော်မှုတွေ ပေါ်ပေါက်လာခဲ့ပါတယ်။   ဈာပန အခမ်းအနားကို တီဟီရန်မြို့ရှိ အီမာမ် ခိုမေနီ ဗလီဝတ်ကျောင်းတော်ကြီးမှာ ကျင်းပနေတာ ဖြစ်ပြီး အခမ်းအနားကို တက်ရောက်လာသူတွေဟာ အီရန်နိုင်ငံရဲ့ အလံနဲ့ သေဆုံးသွားသူ အီရန်ခေါင်းဆောင် အလီ ခါမေနီရဲ့ ဓာတ်ပုံနဲ့ အနီရောင်အလံတွေကို ကိုင်ဆောင်လာကြတယ်လို့ နိုင်ငံတကာ သတင်းဌာနတွေက ဖော်ပြကြပါတယ်။   သွေးကြွေးဆပ်တဲ့အနေနဲ့ အမေရိကန်သမ္မတ ဒေါ်နယ်ထရမ့်ကို ပြန်လည် လုပ်ကြံသတ်ဖြတ်ဖို့  အလီ ခါမေနီရဲ့  ဈာပနအခမ်းအနားမှာ ကဗျာရွတ်ဆိုခွင့်ရခဲ့တဲ့ အီရန်တော်လှန်ရေး ကဗျာဆရာ မိုဟမ္မဒ် ရာဆူလီက အခမ်းအနား တက်ရောက်လာသူတွေကို လှုံ့ဆော်ခဲ့ပြီး  “ဒါဟာ ကျွန်တော်တို့ရဲ့ တာဝန်ပဲ” လို့ သူက ပြောဆိုခဲ့ပါတယ်။   တက်ရောက်လာသူ အများစုကတော့ မိုဟမ္မဒ် ရာဆူလီရဲ့ ပြောဆိုချက်ကို  ထောက်ခံအားပေးပြီး သောင်းသောင်းဖျဖျ ကြွေးကြော်ခဲ့တယ်လို့ The Guardian သတင်းမှာ ဖော်ပြပါတယ်။