TV Klan - Dëshmi tornditëse nga vrasja e 8 vjeçarit në Fier | Lajme-News

Në fshatin Greçalli të Fierit, mëngjesin e kësaj të mërkure nuk ka temë tjetër bisede. Vrasja makabre e Mateos 8-vjeçar nga fqinji i tij ka shokuar të gjithë. Për 38-vjeçarin Klodian Çalamani kërkohet më shumë se dënimi maksimal. Nga dëshmitë e banorëve duket si një vrasje e paralajmëruar pasi 38-vjeçari njihej si njeri i dhunshëm. Ishte dënuar me 4 vite burg për rrëmbimin në bashkëpunim të një vajze të mitur, por ky banor zbulon edhe një tjetër krim të pandëshkuar, tentativën për përdhunim të bashkëshortes së tij. “Deshi të përdhunonte gruan”. Pas këtyre deklaratave, Shërbimi i Çështjeve të Brendshme dhe Ankesave njoftoi se ka nisur një verifikim për Policinë e Fierit. Sipas policisë, fëmija kishte dalë nga banesa rreth orës 8.00 të së martës duke humbur çdo kontakt. Mësohet se Klodian Çalamani i ka dhënë biçikletën e tij për luajtur. Familja e 8-vjeçarit ka raportuar zhdukjen në orën 14:30 me një kallëzim në polici kur edhe kanë nisur kërkimet. Gjatë kësaj kohe 38-vjeçari ka dalë në një moment nga banesa dhe ka bërë si i interesuar për gjetjen e fëmijës. Hetuesit kanë zbardhur pamjet e një kamere sigurie në dyqanin e xhaxhait të viktimës, ku kanë parë të voglin që luante me një biçikletë te kuqe pranë banesës së autorit. Sapo kanë hyrë në oborr policia ka parë njolla gjaku. Trupi i të miturit u gjet në këtë cep të oborrit i mbuluar me baltë. 38-vjeçari i cili ndodhej në gjendje të dehur iu vunë menjëherë prangat. Më pas ka pranuar krimin, por nuk ka shprehur pendesë. “E godita me një kazme sepse më shau kur më ktheu biçikletën” – u ka thënë ai hetuesve. Nuk dihen ende shumë nga rrethanat e këtij krimi makabër, por hetuesit i lidhin motivet me çrregullimet mendore të autorit gjë për të cilën nuk ishte kuruar ndonjëherë. Klodian Calamani jetonte i vetëm në gjendje të rëndë ekonomike. Tv Klan #vrasjanefier #mateovasiu #klodiancalamani #policia #hetime #gruphetimor SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/