“Uniko” publikon pamjet e plota të vrasjes në Fier, autori person me “ecje atipike”

Emisioni Uniko nga Spartak Koka në Klan Plus publikon pamjet e plota të vrasjes së 52-vjeçarit Ahmet Toska në Fier, ngjarje e ndodhur më 26 Tetor 2020 rreth orës 05:45 në lagjen Sheq i Madh. Ngjarja ka ndodhur teksa viktima ka qenë duke shoqëruar bashkëshorten për në punë. Autori, një person i maskuar dhe që në fytyrë mban një maskë kirurgjikale anti-covid në atë periudhë, është filmuar nga kamerat e sigurisë që bën ecejake nëpër lagje duke pritur 52-vjeçarin që të dilte nga banesa. “Uniko” ka publikuar pamjet e plota të autorit të vrasjes deri në momentin që ai largohet me vrap nga skena e krimit. Sipas procesverbalit të Prokurorisë së Fierit, autori është shfaqur në vendngjarje rreth orës 05:27 duke lëvizur në akset e rrugës. Në orën 05:46 ai është fiksuar nga kamera e sigurisë që të largohet me vrap nga vendngjarja. Në dosjen hetimore konstatohet se autori i dyshuar ka “karakteristika të veçanta në ecje, ecje atipike, që ka të bëjë me pozicionimin e këmbës dhe ecjes që mendohet të ketë probleme”. Në vendngjarje policia gjeti dhe sekuestroi 4 gëzhoja dhe 1 predhë. Viktima ishte qëlluar katër herë, në kokë dhe në shpatull. Në Nëntor 2020, policia ndaloi Fatmir Hoxhajn si autor të dyshuar, i cili ishte kthyer nga Italia, banesa e të cilit në Fier ndodhet jo shumë larg vendit ku ndodhi vrasja. #Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/