KUMEKUCHA IKULU MAPYA YAIBUKA OFISI YA RAIS IKULU - ZANZIBAR

#tifutv WAZIRI WA NCHI OFISI YA RAIS IKULU - ZANZIBAR Waziri wa Nchi Ofisi ya Rais Ikulu Zanzibar, Mhe Ali Suleiman Ameir amewataka viongozi na watumishi wa Mamlaka ya Serikali Mtandao kuhakikisha kuwa inayaendeleza mazuri yaliyokuwa yakifanyika kabla ya kuhamia ofisi ya Rais ikulu. Waziri Mrembo ameyasema hayo huko Mazizini alipokuwa akijitambulisha rasmi kwa viongozi na wafanyakazi wa Mamlaka ya Serikali Mtandao baada ya Mamlaka hiyo kuhamishwa kutoka WIZARA YA KATIBA, SHERIA, UTUMISHI NA UTAWALA BORA na kuja katika usimamizi wa OFISI YA RAIS IKULU. Mhe. Waziri amewataka wafanyakazi wa Mamlaka hiyo kuendeleza yale mazuri yaliyokuwa yakifanyika kabla ya kuhamia OFISI YA RAIS IKULU pamoja na kuboresha sehemu ambazo zilikua na changamoto za kiutendaji. Amesema kuwa Serikali ina mategemeo makubwa kutoka kwa Mamlaka hiyo, hivyo wafanyakazi wa Mamlaka watumie weledi wao katika kufikia malengo ya Serikali. Aidha Mhe. Waziri amesisita juu ya suala zima la kufanya kazi kwa uwazi ili kuleta tija katika mifumo mbali mbali ya kiserikali hususan katika suala zima la ukusanyaji wa mapato, ulinzi na uhifadhi wa taarifa muhimu za mitandao. Nae Katibu Mkuu OFISI YA RAIS IKULU nd. SALEH JUMA MUSSA amesisitiza juu ya suala zima la uzalendo kwa wafanyakazi, heshima baina ya wafanyakazi na ufanisi katika utekelezaji wa majukumu ya kila siku. Mkurugenzi Mkuu wa Mamlaka ya Serikali Mtandao Nd.SAID SEIF SAID amewashukuru viongozi hao wa OFISI YA RAIS IKULU kwa kufika katika ofisi ya Mamlaka kwa ajili ya kuzungumza na wafanyakazi na kuahidi kuyafanyia kazi yale yote aliyowaeleza.