ಶ್ರೀ ಮುತ್ಯಾಲಮ್ಮ ದೇವಿ ಹಸಿ ಕರಗ ಶಪ್ತೋತ್ಸವ 2026 ದೊಮ್ಮಸಂದ್ರ ಮತ್ತು ಚಂಬೇನಹಳ್ಳಿ ಜೋಡಿ ಗ್ರಾಮಗಳು.

ದೊಮ್ಮಸಂದ್ರ ಸುದ್ಧಿ. ಶ್ರೀ ಕಾಶಿ ವಿಶ್ವನಾಥ ಸ್ವಾಮಿ ಬ್ರಹ್ಮರಥೋತ್ಸವ ಶ್ರೀ ಮುತ್ಯಾಲಮ್ಮ ದೇವಿ ಕರಗ ಶತ್ಯೋತ್ಸವ ಮೂರನೇ ಹಸಿ ಕರಗ ವಿಜೃಂಭಣೆಯಿಂದ ನಡೆಯಿತು. ಐದು ದಿನಗಳ ಜಾತ್ರಾ ಮಹೋತ್ಸವ ಅಂಗವಾಗಿ ಮೂರನೇ ದಿನದಂದು ದೊಮ್ಮಸಂದ್ರ ಹಾಗೂ ಚಂಬೇನಹಳ್ಳಿ ಜೋಡಿ ಗ್ರಾಮಗಳ ಕರಗ ಮಹೋತ್ಸವದ ಅಂಗವಾಗಿ ಹಸಿ ಕರಗ ಚಂಬೇನಹಳ್ಳಿ ಗ್ರಾಮದಿಂದ ದೊಮ್ಮಸಂದ್ರ ಶ್ರೀ ಮುತ್ಯಾಲಮ್ಮ ದೇವಸ್ಥಾನದ ವರೆಗೆ ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಅದ್ದೂರಿಯಾಗಿ ಹಸಿ ಕರಗ ಆಚರಿಸಲಾಯಿತು. ಶ್ರೀ ಮುತ್ಯಾಲಮ್ಮ ದೇವಿ ಕರಗ ಶತ್ಯೋತ್ಸವ ಮೂರನೇ ದಿನ ದೊಮ್ಮಸಂದ್ರ ಹಾಗೂ ಚಂಬೇನಹಳ್ಳಿ ಜೋಡಿ ಗ್ರಾಮಗಳ ಕುಟುಂಬಸ್ಥರಿಂದ ವಹ್ನಿಕುಲ ಕ್ಷತ್ರಿಯ ಕುಲಬಾಂಧವರಿಂದ ನೆರವೇರಿಸಲಾಯಿತು. ಶ್ರೀ ಮುತ್ಯಾಲಮ್ಮ ದೇವಿ ಕರಗ ಶತ್ಯೋತ್ಸವಕ್ಕೆ, ಗೌಡರು ಘನಚಾರರು ಹಿರಿಯರು ಕುಲದ ಗೌಡರು ಕುಲಸ್ಥರು ತೊಡಗಿಸಿಕೊಂಡಿದ್ದು ವಾದ್ಯಗೋಷ್ಠಿ ಯೊಂದಿಗೆ ಹೂವಿನ ಅಲಂಕಾರ ಸಿಂಗಾರಿಸಿ ರಾಜ ಬೀದಿಗಳಲ್ಲಿ ಭಕ್ತಾದಿಗಳು ಹೂವು ತೆಂಗಿನಕಾಯಿ ಕರ್ಪೂರ ದೀಪ ಆರತಿಯೊಂದಿಗೆ ಭಕ್ತಿಯಿಂದ ಹಸಿ ಕರಗ ದೇವರಿಗೆ ಪೂಜಿಸಿದರು. ವೀರ ಕುಮಾರರು ತಿಲಕನಾಮ ಇಟ್ಟುಕೊಂಡು ಕೈಯಲ್ಲಿ ಖಡ್ಗವನ್ನು ಹಿಡಿದು (ಡಿಕ್,ಡಿ)ಡಿಕ್,ಡಿ) ಎಂದು ಘೋಷಣೆ ಕೂಗುತ್ತಾ ವೀರ ಕುಮಾರರು ಖಡ್ಗವನ್ನು ಎದೆಗೆ ಬಡಿದುಕೊಳ್ಳುತ್ತಾ ಶ್ರೀ ದೇವಿಯನ್ನು ನೆನೆದು ಭಕ್ತಿಯಲ್ಲಿ ಮಿಂದೆದ್ದರು. ಹಸಿ ಕರಗ ನೋಡುವುದಕ್ಕೆ ಸಾವಿರಾರು ಜನ ಭಕ್ತಾದಿಗಳು ಸಾಗರೋಪ ಸಾಗರ ಜನ ಸೇರಿ ಹಸಿ ಕರಗವನ್ನು ಕಣ್ಣು ತುಂಬಾ ನೋಡಿ ದೇವರ ಕೃಪೆಗೆ ಪಾತ್ರರಾದರು.