მეწყერი ხარაგაულში

‼️‼️ღვერკსა და ხემაღალში წარმოქმნილი მეწყერის კვლევის მიხედვით: ➡️68 ჰექტარზე განვითარებული მეწყერი კვლავ აქტიური და შეუქცევადია; ➡️ მეწყერის ბუნებრივი სტაბილიზაცია ახლო მომავალში მოსალოდნელი არ არის; ➡️ გაგრძელდება მეწყერის არეალში მოქცეული ინფრასტრუქტურის ნგრევა; ➡️ მოსალოდნელია, რომ ფერდობის ზედა ნაწილიდან გადაადგილებული გრუნტი დაფარავს სოფელ ლაშის სკოლის ტერიტორიას. ამიტომ ამ სკოლის ფუნქციონირება უნდა შეწყდეს; ➡️მეწყრის გადაადგილებასთან ერთად მდინარე ყარნებას ხეობის ფსკერის ამოვსების პროცესი გრძელდება და მნიშვნელოვანი მოცულობის ღვარცოფული ნაკადების წარმოქმნის რისკი არსებობს. ასეთ შემთხვევაში კი საფრთხის ქვეშ დგება სარკინიგზო მაგისტრალი. ასევე, მდინარე ყარნებასა და ჩხერიმელას ხეობების შესაბამის მონაკვეთში მდებარე ინფრასტრუქტურა (სახლები, საავტომობილო გზები, ხიდები და სხვ.). 💬„ამ მეწყერს აქვს უნარი, ხეობა 80 მეტრის სიმაღლეზე აავსოს“, - ამბობს შპს „გეოლოჯიქის“ ინჟინერ-გეოლოგი მირზა მესხი და დასძენს, რომ ღვერკსა და ხემაღალში განვითარებული მეწყრული პროცესები, ძირითადად, ბუნებრივმა ფაქტორებმა განაპირობა. 💬გარემოს ეროვნული სააგენტოს გეოლოგიური დეპარტამენტის უფროსი მერაბ გაფრინდაშვილი კი კატეგორიულად უარყოფს იმას, რომ მეწყერი რკინიგზის მშენებლობამ გამოიწვია. ‼️‼️მოსახლეობისთვის მეწყერის გამომწვევი ზუსტი მიზეზების დადგენა უმნიშვნელოვანესია, ვინაიდან თუ მეწყერი რკინიგზის მშენებლობამ გამოიწვია, მაშინ საკომპენსაციო თანხა გაცილებით მეტი იქნება. ეკომიგრანტის საკომპენსაციო თანხა კი მხოლოდ 30 ათასი ლარია. ეს თანხა კი სახლის შეძენისა და ახლის მშენებლობისთვის არასაკმარისია. ‼️‼️გეოლოგების რეკომენდაციით: ➡️დამეწყრილ ადგილებში ცხოვრება და გადაადგილება კატეგორულად დაუშვებელია; ➡️მეწყერზე და მდინარე ყარნებაზე მუდმივი მონიტორინგი უნდა გაგრძელდეს. ხარაგაულში დამეწყრილი ორი სოფლის მოსახლეობას სპეციალისტები, ცენტრალური და ადგილობრივი ხელისუფლების წარმომადგენლები შეხვდნენ. ვრცლად ამის შესახებ „ჩემი ხარაგაულის“ ვებგვერდზე წაიკითხეთ. https://chemikharagauli.com/?p=76828