ხარაგაულის გიმნაზია, დავითობას, 150 წლის გახდა

2025 წლის 8 თებერვალს ხარაგაულის წმინდა ანდრია პირველწოდებულის სახელობის სკოლა-გიმნაზიას დაარსებიდან 150 წელი შეუსრულდა. ამ საიუბილეო თარიღთან დაკავშირებით გიმნაზიაში 3-7 თებერვალს კვირეული ჩატარდა – მოეწყო ხატვის კონკურსი, დავით აღმაშენებლის დღისადმი მიძღვნილი ვიქტორინა. 8 თებერვალს კი დასკვნითი საზეიმო ღონისძიება გაიმართა. მოსწავლეებმა დამსწრეთ სკოლა-გიმნაზიის დაარსების ისტორია გააცნეს და ყურადღება დავით აღმაშენებლის მოღვაწეობაზე გაამახვილეს, რადგან 8 თებერვალი ამ დიდი მეფის ხსენების დღეა. წლების განმავლობაში ხარაგაულის სკოლა-გიმნაზიას სხვადასხვა სახელით მოიხსენიებდნენ – ერთკლასიანი-სამინისტრო სკოლა, ორკლასიანი-სამინისტრო სკოლა, შვიდწლედი, რვაწლედი, დაბის #1 საშუალო სკოლა. წელს, 19 აგვისტოს, 25 წელი სრულდება, რაც ის საქართველოს მართლმადიდებელი ეკლესიის დაქვემდებარებაშია. ვრცლად „ჩემი ხარაგაულის“ ვებგვერდზე წაიკითხეთ - https://chemikharagauli.com/?p=74846