Ballari Khaushik Chaats | 41 Years Old Famous Shop | Ragd | Pani puri | Bhel | Papdi | Food Book

దేశంలో గల భిన్న వాతావరణ పరిస్థితులు రీత్యా ప్రాంతానికో విధంగా ఆహారపు అలవాట్లు ఉన్నాయన్నది విధితమే. ప్రాధమిక ఆహారం నుండి చిరుతిళ్ళుగా తినే పదార్థాల వరకు వ్యత్యాసం గమనించవచ్చు. కాలక్రమంలో వైవిధ్య రుచులను కోరే నాలుక కారణంగా నూతన రుచుల అన్వేషణలో ఆయా ప్రాంతాలు వివిధ ఆహారాల తయారీ విధానాన్ని ఇచ్చి పుచ్చుకున్నాయి. ఉత్తరాదిలో ప్రసిద్ధి చెందిన పాని పూరీ, చాట్,కచోరీ వంటి అనేక తినుబండారాలకు దక్షణాదిలో ఉన్న ఆదరణ నేను ప్రత్యేకంగా చెప్పాల్సిన అవసరం లేదు. పిన్నల నుండి పెద్దల వరకు ఎక్కువ శాతం మంది సాయంత్రం వేళ తినేందుకు ఆసక్తి చూపే ఉపాహారాలు ఇవే. ఆయా పదార్థాలు ఆంధ్రా,తెలంగాణలలో అధికంగా బల్లు మీద లభిస్తుండగా కర్నాటకలో ప్రత్యేక శాలలు కూడా కలవు. అలాంటి శాలను నేను ఈ వేళ మీకు పరిచయం చేయబోతున్నాను. సమోసా-కచోరీ, పూరి-పాపిడి, పావ్ బాజీ వంటి అనేక తినుబండారాలు లభించే కౌశిక్ చాట్స్ అంటే బహుశా బళ్లారిలో తెలియని వారు వుండరు. మిత్రులతోనో,కుటుంబ సభ్యులతోనో తింటూ కాసేపు సరదాగా గడిపేందుకు ఈ ప్రదేశం అనువైనది. కృష్ణా చార్య కౌశిక్ గారు ప్రారంభించగా.ప్రస్తుతం వారి కుమారుడు అశోక్ కౌశిక్ గారు నిర్వహణ చేస్తున్నారు. శాల నిర్వహణలో హుందాగా, వచ్చే వారిపట్ల ఆత్మీయంగా,ఇచ్చే ఆహారం అత్యంత నాణ్యంగా ఇస్తూ ప్రసిద్ధులై నాలుగు దశాబ్దాల ఘన కీర్తి పొందారు. చిత్రీకరణ సమయంలో ఇచ్చట దహి పాపిడి, పావ్ బాజి, రగఢ్ పేటిస్ తిన్నాను నేను పూర్తి సంతృప్తి వ్యక్తం చేస్తున్నాను.వారి సొంత సూత్రీకరణ లోచేసుకున్న మసాలాల వలన ప్రత్యక రుచి తో కూడి ఉన్నాయి పదార్థాలు. ముఖ్యంగా చెబుతున్నాను ఫుడ్ బుక్ లో ఇప్పటివరకు మేము చిత్రీకరణ చేసిన కార్యక్రమాలలో ఆహారాలు శుచి రుచితో అందిస్తున్న వారిలో కౌశిక్ చాట్స్ వారు ప్రధమ వరుసలో వుంటారు .