Ballari Special Benne Dosa | Palav | Pulihora | Ghee Dosa | Benne Masala Dosa | Bellery | Food Book

సమీపాన అల్పాహార బండ్లు,శాలలు ఎన్నో వున్నా..మనం వకరి వద్ద కే నిత్యం వెళుతుంటాం.అక్కడ అందించు నాణ్యమైన ఆహారం స్వల్ప ధరకే లభించడం ఓ కారణం అయితే.ముఖ్యంగా వారు మన పట్ల చూపు ఆత్మీయత ప్రధాన కారణం.కనుకనే అన్న, తమ్ముడు అని పెద్ద వారు అయితే బాబాయి అంటూ జేబు అడుగంటినప్పుడు తర్వాత ఇవ్వొచ్చన్న ఆలోచనతో స్వతంత్ర గా వెళ్లి కోరుకున్న తిండి తినగల సన్నిహితులం అవుతాం.అలా మీరు నిత్యం వెళ్లే శాలలు మీతో కలివిడిగా ఉండే నిర్వాహకుల గూర్చి నాతో పంచుకొంటారని కోరుతూ అట్టి నేపధ్యం గల బళ్లారి బద్రి గారిని వారు నిర్వహణ చేస్తున్న అల్పాహారాల బండిని నేను ఈ వేళ మీకు పరిచయం చేయబోతున్నాను. బద్రి గారు సౌమ్యులు.తమ వద్దకు వచ్చే వారిని చిరునవ్వుతో స్వాగతిస్తూ ఆత్మీయంగా ఉంటూ నాణ్యతతో కూడిన రుచికరమైన అల్పాహారాలను వడ్డిస్తూ గుర్తింపు పొందారు. బళ్లారిలో సాయంత్రం వేళ తక్కువ ధరలో ఆకలి తీర్చుకొనేందుకు అనువైన ప్రదేశం బద్రి గారి బండి.30 రూపాయిలలోపే వివిధ అల్పాహారాలతో బొజ్జ నింపుకోవచ్చు ఇచ్చట.మేము బళ్లారి లో ఉన్నన్ని రోజులు రాత్రి ఆరగింపు ఇక్కడే. బెన్నె అనగా వెన్నె.. ఆ దోశ అంచులలో కరకరలాడుతూ మధ్యలో వీసుమంత మందంగా మసాలా కూరతో మెత్తగా ఉంది. అట్టి దోశ ను రవ్వంత కారంగా ఉన్న పచ్చడికి జోడించు తినగా అలు మసాలాకు వెన్నదనంతోడై దోశ కమ్మటి రుచిని చేకూర్చింది. మసాలా పరిధి తక్కువగా ఉన్న పలావు, నిమ్మరసం రంగరించిన పులిహోరకు నూనె మునిగితెలినా.. ఆ జాడ కానరాని వడను మిళితం చేసుకుని తింటే మంచి రుచే కాదు బొజ్జ నిండుగా భోజనం తిన్నంత విధంగా కడుపునిండుతుంది. బద్రి టిఫిన్స్ గూగుల్ లొకేషన్:- https://maps.app.goo.gl/j4fo9X8csNKgz...