一家人夏遊越南大叻（第一集）

終於到我放暑假啦 今次短暫返胡志明一個星期同屋企人聚聚～ 第一日主要係搭飛機從香港飛返去胡志明市。 一落機就馬不停蹄咁搭的士去酒樓，因為今晚約咗親戚食個洗塵宴。 第二日就包車Road trip從胡志明市開去大叻高原，全程330公里，直線開車距離需要六個鐘。我哋一行16人邊行邊食，去到邊食到邊，你等吓我，我等吓你，當然需要更長時間先到達啦～ 等我同大家分享今日食咗啲乜嘢。早餐食咗我哋胡志明市好出名嘅三色碎米飯。我今日叫左豬扒+碎豬皮雙拼。加多杯越南冰茶就岩岩好開啟一日既行程。 中午就去到林同省食越南菜煲仔飯，有越式酸湯、有香茅蒸魷魚、鹹甜燜蝦。就係呢個家鄉既味道，食到停唔到口😬 差不多五點就返過山口，到達大叻高原既德重縣，氣溫即刻降咗7-8度，大概23度左右，超級舒服。 去酒店之前我哋就參觀今日唯一一個景點，就係Samten Hills上面既藏傳佛教既寺廟，睇全世界最大既轉經筒（2022年的健力士紀錄）。 參觀完廟宇，就開夜車去大叻市中心，因為去到大叻市中心都九點，好多餐廳都閂晒，我哋就食廣南麵，飲杯熱豆漿就返酒店攞房。 今次入住間酒店叫做，Ana Mandala Villas Dalat Resort and Spa。同屋企人一齊住，所以我哋就租咗成幢別墅chill 下。快速同大家行吓個villa tour, 我要去睡覺了，晚安。