Khit Thit Afternoon News | May 26, 2026

Khit Thit သတင်းဌာန၏ မေ ၂၆ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံကို လျှို့ဝှက်သွားရောက်ခဲ့တဲ့ ကုလသမဂ္ဂ အတွင်းရေးမှူးချုပ်အန်တိုနီဂူတာရက်ရဲ့ မြန်မာနိုင်ငံ ဆိုင်ရာ အထူးကိုယ်စားလှယ် Julie Bishop က နေပြည်တော် ခရီးစဉ်နှင့်ပတ်သက်ပြီး ဇွန်လ ၁၉ ရက်နေ့ ကုလသ မဂ္ဂအထွေထွေညီလာခံကို ပြန်လည် အစီရင်ခံတင်ပြမယ်လို့ ကုလသမဂ္ဂသံတမန် သတင်းရင်းမြစ်က ရန်ကုန်ခေတ်သစ်ကိုပြောပါတယ်။ မလေးရှားနိုင်ငံ၊ ကွာလာလမ်ပူမြို့ကို ရောက်ရှိလာတဲ့ ကမ္ဘာ့ UFC ချန်ပီယံ Joshua Van နှင့် အဆိုတော် မဖြူဖြူကျော်သိန်းတို့ကို မလေးရှားရောက် မြန်မာနိုင်ငံသား ထောင်ချီက ကြိတ်ကြိတ်တိုး ကြိုဆိုခဲ့ ကြပါတယ်။ စစ်အာဏာရှင်တော်လှန်ရေး အင်အားစုတွေအကြား လူသိများထင်ရှားတဲ့ သွေးသစ္စာ တေးသီချင်းကို အာဏာသိမ်းစစ်တပ်က "စစ်သားသွေးနီ ရှေ့သို့ချီ" ဆိုတဲ့ နာမည်ပြောင်းပြီး ကူးယူပုံဖျက်ကာ ပြန်လည်သီဆို ဝါဒဖြန့်ခဲ့ကြတယ်လို့ သိရပါတယ်။ အရှေ့အလယ်ပိုင်းဒေသမှာဖြစ်ပွားနေတဲ့ အီရန်စစ်ပွဲကို တရားဝင်အဆုံးသတ်နိုင်ဖို့ နိုင်ငံအများအပြားက သံတမန်ရေးအရ ကြားဝင်စေ့စပ်ပေးနေရပြီး အချိန်ကြာမြင့်နေချိန်မှာပဲ တရုတ်နိုင်ငံခေါင်းဆောင် ရှီကျင့်ဖျင်ဟာ ပါကစ္စတန်ဝန်ကြီးချုပ် ရှာဘတ်ဇ်ရှရစ်ဖ်နဲ့ တနင်္လာနေ့ မေလ ၂၅ ရက်နေ့ က ပေကျင်းမြို့မှာ တွေ့ဆုံဆွေးနွေးခဲ့တယ်လို့ တရုတ်နိုင်ငံပိုင် မီဒီယာတွေက ဖော်ပြထားတဲ့ သတင်းအပါအဝင် နေ့လယ်ခင်း သတင်းတွေကို တင်ဆက်ပေးပါမယ်။