Khit Thit Afternoon News | June 5, 2026

Khit Thit သတင်းဌာန၏ ဇွန် ၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -မကွေးတိုင်း၊ ပခုက္ကူမြို့နယ်၊ မြစ်ခြေမြို့ပေါ်ကို အကြမ်းဖက် စစ်ကောင်စီတပ် စစ်ကြောင်းဝင်ရောက် လာပြီး ပြည်သူတွေကို ဖမ်းဆီးသတ်ဖြတ်ကာ ရုပ်အလောင်း တွေကို မြို့အဝင်လမ်းနဲ့ မြို့ပေါ်နေရာ အနှံ့မှာ စွန့်ပစ်ထားတယ်လို့ တော်လှန်ရေးနဲ့ ဒေသတွင်းသတင်း ရင်းမြစ်တွေက ပြောပါတယ်။ တနင်္သာရီတိုင်း၊ လောင်းလုံးမြို့နယ်၊ စစ်ပြဲကျေးရွာ ဘုန်းကြီးကျောင်းမှာ ယာယီ တပ်စွဲထားတဲ့ စစ်ကောင်စီတပ်ကို တော်လှန်ရေးပူးပေါင်းတပ်တွေက ဝိုင်းဝန်း ပိတ်ဆို့ တိုက်ခိုက်ခဲ့တာကြောင့် စစ်တပ်ဘက်က အထိနာခဲ့ပြီး ရွာထဲက နေအိမ်တွေ ကို မီးရှို့ဖျက်ဆီးခဲ့တယ်လို့ ဒေသတော်လှန်ရေးသတင်းရင်းမြစ်တွေက ပြောပါတယ်။ -တနင်္သာရီတိုင်း၊ ကော့သောင်းခရိုင်၊ ခမောက်ကြီးမြို့နယ် အတွင်း ပြည်သူပိုင် နေအိမ်တွေနဲ့ ဥယျာဉ်ခြံတွေထဲ ဝင်ရောက်ဖောက်ထွင်း ခိုးယူနေတဲ့ စစ်ကောင်စီ တပ်ကို တော်လှန်ရေးတပ်ဖွဲ့တွေက တိုက်ခိုက်ခဲ့ရာ စစ်သား ၄ ဦး သေဆုံးခဲ့တယ် လို့ ကော့သောင်းခရိုင် ပကဖ သတင်းနဲ့ ပြန်ကြားရေးတာဝန်ခံ ကိုကျားကြီးက ပြောပါတယ်။ အရှေ့အလယ်ပိုင်းစစ်ပွဲအတွင်း အမေရိကန်နဲ့ အစ္စရေးတို့ဟာ "ပြတ်သားတဲ့ ထိုးနှက်ချက်"ပေးနိုင်ခဲ့လို့ အရှက်ရနေကြပြီလို့ အီရန်ရဲ့ အမြင့်ဆုံး ခေါင်းဆောင်သစ် အာယတိုလာ မိုဂျတာဘာ ခါမေနီ က ဇွန်လ ၄ ရက်နေ့မှာ ပြောလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။