ነገሥት - የመንግሥት መከፈል፤ ምርኮ፣ የኪዳኑ ሕዝብ ውድቀት // እንዳሻው ነጋሽ // Kings // Covenant Failure // Endashaw Negash

ልክ እንደ ሳሙኤል መጽሐፍ፣ የነገሥት መጽሐፍም በዕብራይስጡ መጽሐፍ ቅዱስ አንድ መጽሐፍ ነው። የነገሥት መጽሐፍን በአጭሩ ለማስቀመጥ ያህል፡- ሦስተኛው የእስራኤል ንጉሥ ሰሎሞን (ወደ ሥልጣን የመጣበት መንገድ፣ ያከናወናቸው ተግባራትና ፍጻሜው)፣ የእስራኤል መንግሥት ለሁለት መከፈል (የሰሜኑ መንግሥት እስራኤል እና የደቡቡ መንግሥት ይሁዳ) እና ምርኮ (እስራኤል በአሦራውያን፤ ይሁዳ በባቢሎናውያን መማረካቸው)። የመጽሐፉ ማዕከላዊ ጉዳይ የኪዳኑ ሕዝብ ውደቀት ነው። ሕዝቡ ኪዳኑን በማፍረሱ እና እግዚአብሔር የላካቸውን እውነተኛ ነቢያት ከመስማት ይልቅ የሐሰት ነቢያትን በመከተሉ እግዚአብሔር ለጠላቶቻቸው አሳልፎ እንደ ሰጣቸው ይህ መጽሐፍ ያስረዳል። አለመታዘዝና አለመስማት ከቅጣት አያመልጥም፤ ትልቅ ዋጋ ያስከፍላል። ይህቺን አጭር ቪድዮ በመመልከት የመጽሐፉን ትኩረት ይገነዘቡ ዘንድ ግብዣዬ ነው።