My God is 'n God van liefde? 1 Johannes 4:7-12

Mense sê graag: “My God is ’n God van liefde.” Veral wanneer die Bybel oor sonde, oordeel, bekering of God se heiligheid praat. Daarmee bedoel hulle dikwels: “Die God waarin ek glo, sal my nie veroordeel nie. Hy aanvaar my soos ek is. Hy sal niks van my eis wat vir my swaar of ongemaklik is nie.” Maar dan is die vraag: Praat jy nog van die God wat Homself in die Skrif openbaar—of van ’n god wat jy volgens jou eie idee van liefde geskep het?