ઠાકરશી હોસ્પિટલનો આરોગ્ય યજ્ઞ | Ramesh Tanna | Navi Savar

સમાજને પ્રતિબદ્ધ વ્યક્તિ કેવી હોય તે તમારે જોવું હોય તો અમદાવાદમાં આઝાદ સોસાયટી વિસ્તારમાં આવેલી ઠાકરસી હૉસ્પિટલમાં 85 વર્ષના શ્રી નવનીતભાઈ શાહને મળવું પડે. ઠાકરસી હૉસ્પિટલ સેવાકીય ભાવનાથી ચાલતી હોસ્પિટલ છે. હમણાં કરોડો રૂપિયાના ખર્ચે તેનું નવીનીકરણ થયું છે અને હવે તો તે સાત માળની થઈ છે. અહીં અત્યાધુનિક સાધનો-મશીનો અને ઉપકરણો સાથે નિષ્ણાત તબીબો સારવાર કરે છે. આ સંવાદમાં નવનીતભાઈએ હૉસ્પિટલ સ્થાપવાના વિચારથી શરૂ કરીને અત્યાર સુધીની બધી વાતો કરી છે. આ વીડિયો શૅર કરવા વિનંતી છે. શ્રી નવનીતભાઈ શાહનો સંપર્ક નંબર 9099022510 છે. લેખકનો પરિચય: રમેશ તન્ના પત્રકાર, સંપાદક, લેખક, વક્તા અને સમાજસેવક છે. પહેલી ડિસેમ્બર, 1966ના રોજ ઉત્તર ગુજરાતમાં પાટણ જિલ્લાના સમી તાલુકાના અમરાપુર ગામમાં તેમનો જન્મ. માતા પ્રભાબહેન પાસેથી માતૃભાષા તથા સંવેદના, પિતા પ્રભુરામ પાસેથી ઉદારતા તથા સરળતા અને ગામ અમરાપુર પાસેથી સામાજિક દાયિત્વનો વારસો તેમણે ઝીલ્યો. બી.કૉમ થયા પછી તેમણે પત્રકારત્વ વિષયમાં પણ સ્નાતકની ઉપાધિ મેળવી. એ પછી મહાત્મા ગાંધી સ્થાપિત ગૂજરાત વિદ્યાપીઠમાંથી તેઓ પત્રકારત્વ વિષયમાં પારંગત (માસ્ટર) થયા. અહીં જ તેમણે બે વર્ષ પત્રકારત્વ વિભાગમાં પૂર્ણ સમયના વ્યાખ્યાતા તરીકે ફરજ બજાવી. સ્વતંત્ર રહીને સમાજ ઉપયોગી લેખન કરવાના પ્રયોજન સાથે તેમણે નોકરી છોડી. વિવિધ અખબારોમાં મુક્ત રીતે લખતા રહ્યા. થોડાં વર્ષો જીવનસાથી અનિતા જતકર સાથે 'અમદાવાદ ટુડે' સાપ્તાહિક અને 'સંગોષ્ઠિ ફીચર્સ એજન્સી'નું સંચાલન કર્યું. 1999થી 2013 સુધી, ચૌદ વર્ષ તેમણે અમેરિકાથી પ્રકાશિત થતા સાપ્તાહિક 'ગુજરાત ટાઇમ્સ'માં મનવાસ ભોગવ્યો. અહીં તેમણે પત્રકાર, પૂર્તિ-સંપાદક અને નિવાસી તંત્રી તરીકે ફરજ બજાવી. આદર્શ અને સત્ત્વશીલ સામયિકનું સર્જન કરવામાં તેઓ સફળ રહ્યા. સને 2013થી તેઓ મુક્ત રીતે લેખન કરે છે. ગુજરાતી ભાષામાં તેઓ પૉઝિટિવ પત્રકારત્વના પ્રણેતા ગણાય છે. તેઓ 1990થી સમાજોપયોગી, વિકાસલક્ષી અને વિધેયાત્મક લેખન કરી રહ્યા છે. સોશિયલ મીડિયામાં તેમણે 2013થી પૉઝિટિવ પત્રકારત્વનો પ્રારંભ કર્યો જેને વાચકો તરફથી સુંદર પ્રતિસાદ મળ્યો. તેમનાં પૉઝિટિવ શ્રેણીનાં પુસ્તકો સમાજમાં હકારાત્મકતા પ્રસારી રહ્યાં છે. તેની 55,000 પ્રતનું વેચાણ થયું છે. Instagram: https://www.instagram.com/navisavar/?... Facebook: / ramesh.tanna.5