Gudur Famous Egg Dosa | Egg Peasara Dosa | Kaju Karam Dosa Bhaskar Tiffin Center | Gudur | Food Book

స్వాగతం.. నమస్కారం.. నా పేరు లోక్ నాధ్.. నేను ఈ వేళ మీకు పరిచయం చేయబోతున్నాను గత 32 సంవత్సరాల నుండి గూడూరు వాసులకు నాణ్యత ,శుచితో రుచికరమైన అల్పాహారాలను అందిస్తూ పట్టణ వాసుల విశేష ఆదరాభిమానాలతో గుర్తింపు పొందిన భాస్కర్ గారి అల్పహారశాలను.ప్రత్యేకంగా ఇక్కడ లభించు గుడ్డు దోశను. స్వయం ఉపాధి కల్పించుకుని జీవనస్థితిగతులు మెరుగుపరుచుకోవల్లన్న ఆకాంక్షతో రాధమ్మ, భాస్కర్ గార్ల దంపతులు మూడు దశాబ్దాల నాడు 175 రూపాయిలతో అల్పాహారాల బండిని ప్రారంభించారు...జీవన భుక్తి చేకూర్చే ప్రజలకు నాణ్యమైన ఆహారం అందించాలన్న కృతజ్ఞతా పూర్వక సదాలోచనతో తిన్నవారు సంతృప్తి వ్యక్తం చేయువిధంగా అల్పాహారాలు అందిస్తూ గూడూరు లో ప్రసిద్ధి పొందారు.. దురదృష్టవశాత్తు భాస్కర్ గారు కాలం చేయగా రాధమ్మ గారు వారి కుమారుడు కిరణ్ గారు ఇప్పుడు శాల నిర్వహణ చేస్తున్నారు. తమ తల్లిదండ్రుల వద్ద తయారీ నేర్చుకున్న కిరణ్ గారు ఎంతో సృజనాత్మకత పొందారు.వారు దోసెలు తయారు చేస్తున్న ప్రక్రియ చూపరులకు ఆసక్తి గా ఉంటుంది.స్వల్ప వ్యవధిలో ఏకకాలంలో 10 దోసెలను ఇట్టే తయారు చేస్తారు. దోశ పై జాలువారిన గుడ్డుతో సవంతి వర్ణం, విరజల్లిన ఎర్ర కారంతో ఎర్ర తామర వర్ణిక సంయుక్తమై రంగరించిన నూనెతో మేలిమి ఉజ్వలము వలే ఉద్భాసిల్లుతూ దోశ ఊరిస్తుంది. దోశ పరిమాణం హెచ్చు. మందంగా ఉన్న మృదువుగా,అంచులలో కరకరలాడుతూ ఉంటుంది. వారు ఇచ్చిన పచ్చళ్ళును దోశకు అలా అద్దుకుని నోటికి అందిచగానే ఉపాహారంలో దాగివున్న పులుపు,కారంతో కూడిన అద్భుత రుచి మనకు లభించి కోమలంగా బొజ్జలోకి జారుకుంటుంది. అంతిమంగా పెరుగు మీగడ తిన్న అనుభూతి కలుగుతుంది. వేరుశనగ మరియు టమోటో పచ్చడులు ఎర్ర కారం, జీడిపప్పు,ప్రత్యేకమైన పొడి వినియోగించి తయారు చేసే జీడిపప్పు కారం దోసె భలే రుచిగా ఉంటుంది.నాకు చాలా బాగా నచ్చింది. ఆస్వాధన లో గుడ్డు దోశ కు పోటీగా ఉంటుంది.నేతి వినియోగం లేకున్నా జీడిపప్పు కారణంగా కమ్మనైన రుచి కలిగి ఉండటంతో తినడం ఓ దోశ తో ముగించం మరో దోశ కోరుతాం.