RAIS MWINYI AAHIDI KUENDELEZA UJENZI WA MIUNDOMBINU KUIFUNGUA PEMBA KIUCHUMI

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, ameizindua rasmi Barabara ya Chake–Wete yenye urefu wa kilomita 22.2, na kuahidi kuwa Serikali itaendelea na ujenzi wa miundombinu zaidi kwa lengo la kuifungua Pemba kiuchumi. Rais Dkt. Mwinyi ameyasema hayo leo tarehe 8 Desemba, 2026, katika Uwanja wa Michezo wa Wete, Mkoa wa Kaskazini Pemba, ikiwa ni sehemu ya shamrashamra za Maadhimisho ya Miaka 62 ya Mapinduzi ya Zanzibar. Ameeleza kuwa ujenzi wa miundombinu ni nguzo muhimu ya maendeleo kwa nchi yoyote inayolenga maendeleo ya haraka, na kubainisha kuwa tayari Pemba imeanza kufunguka kiuchumi kupitia miradi mikubwa ikiwemo ujenzi wa Uwanja wa Ndege wa Pemba, Bandari za Mkoani na Wete, Barabara ya Chake–Wete, pamoja na ujenzi wa Barabara ya Mkoani–Chake unaotarajiwa kuanza hivi karibuni. Kwa upande wake, Waziri wa Ujenzi na Uchukuzi, Dkt. Khalid Salum Muhammed, amesema mafanikio yanayopatikana katika sekta ya miundombinu yanatokana na maono ya Rais Dkt. Mwinyi, akieleza kuwa Serikali tayari imeshasaini mikataba mitatu (3) ya ujenzi wa barabara kwa kiwango cha lami katika Unguja na Pemba. Akiwasilisha taarifa ya kitaalamu, Katibu Mkuu wa Wizara ya Ujenzi na Uchukuzi, Mhandisi Ali Said Bakari, amesema Barabara ya Chake–Wete imejengwa na Kampuni ya MECCO, ina urefu wa kilomita 22.2, na imegharimu jumla ya Shilingi Bilioni 26.6. #ChakeWeteRoad #MaendeleoPemba #MiundombinuZanzibar #Mapinduzi62 #UjenziBarabara #ZanzibarYetu #SerikaliYaMapinduziZanzibar #ASAMOnlineTV