Top Channel/ Droga në Zall Herr, arrest me burg për ushtarakët e ku u kultivua kanabis

Pas gjetjes së 125 bimëve kanabis në territorin e repartit ushtarak në Zall Herr në Tiranë, Gjykata e Tiranës ka lënë në arrest me burg shefin e sigurisë Gramoz Mullën dhe dy specialistët e zbulimit Rustem Poçin dhe Gentian Zhurdën. Gjatë seancës gjyqësore, gazetarja Anila Hoxha raporton se të dyshuarit janë shprehur se kanë vënë në dijeni eprorët për terrenin e vështirë dhe se nuk kanë shpërdoruar detyrën pasi kanë 20 vite që punojnë si ushtarakë. Avokatët e tyre kanë kërkuar gjatë seancës me dyer të mbyllura, se pa pasur akt ekspertimi nuk mund të ngrihet asnjë aktakuzë. Ndërkohë, katër ushtarakë të tjerë po procedohen në gjendje të lirë. Prokurorja Elona Alvora, bëri me dije se droga u zbulua nga një dron i policisë, në një territor të thyer dhe sipas saj ushtarakët kishin për detyrë që ta kontrollonin terrenin. Gjatë fjalës së tij shefi i sigurisë Gramos Mulla u shpreh se nuk kishte arritur ta evidentojë këtë ngjarje dhe se i ka kërkuar eprorëve pajisje logjistike por nuk ua kanë vënë në dispozicion. Sipas tij është rreth 140 hektarë tokë gjithsej nga Kamza deri në Dajt dhe ishte e pamundur të kontrollohej e gjitha dhe se droga ishte e kultivuar mes ferrave. Nga ana tjetër specialisti i arrestuar mësohet të ketë thënë se ishte me leje të zakonshme dhe sapo e kanë njoftuar për ngjarjen është kthyer në detyrë e së bashku me oficerët e tjerë ka shkuar për të prerë ferrat. Sipas tij pasi ka përfunduar me prerjen e ferrave i kanë thënë të japë një deklaratë dhe më pas e kanë arrestuar. Ai tha se kishte vënë në dijeni eprorët për murin e prishur dhe ferrat por që nuk i kishte shkuar mendja se aty mund të kishte drogë. Sipas tij, ka lajmëruar eprorët me email pasi për shkak të murit të prishur mund të hynin bagëtitë brenda në repart. Seanca u mbajt me dyer të mbyllura për siguri të sekretit ushtarak dhe hetimor. 125 bimë kanabis u gjetën dy ditë më parë në territorin e repartit ushtarak në Zall Herr në Tiranë. Sipas policisë, u arrestuan në flagrancë për shpërdorim të detyrës, 3 punonjës të repartit ushtarak, G. M., 52 vjeç, me detyrë Shef Seksioni i Sigurisë; R. K., 25 vjeç, me detyrë Specialist për Zbulimin dhe G. Zh., 45 vjeç, me detyrë Specialist Sigurie. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #ZallHerr#Gjykata#TopChannelNews