أحمد الناصر ومطلق الثبيتي

أحمدالناصرالشايع ومطلق بن حميد الثبيتي على شرف صاحب السمو الملكي الأمير/ فيصل بن خالد بن عبدالعزيز (في المغترة 1406هـ) (( هذا (اللحن) من ابتكار الشاعر احمد الناصر )). أحمد: سلامِ رديّه لفيصل ماضى الأفعال اللي طواريقه على غيره صعيبه عمّه محمد فزعة اللي حَدّه الجال وأبوه خالد مَزْبَنْ اللي يلتجي به مطلق: يامرحبا بك ياقمر لا ترجع هلال وأنا خشيرك بالخطيّه والمصيبه السيل ردّه واردعه لا ياكل الجال ويحط له جرحٍ ولا نلقى طبيبه أحمد: المشكله يطلع لها تسعين حلاّل وأنته غريمي فالبعيده والقريبه اللي يبا الماء يارده بعيال وحبال وإلا قعد والماء قعد قاعة قليبه مطلق: قفّيت عنّا ياجمل مع كل جمّال ما أبغاك والله ياجمل تغدي ذهيبه من يوم ما غيّرت منـزالٍ بمنـزال تمسي ولد والصبح تصبح عَوْد شيبه أحمد: ما كل من يركب ظهور الخيل خيّال ولا كل من يقرا ويكتب نقتدي به ماكل من يلبس عقال يقال رجّال المرجله سندا وطرقتها صعيبه مطلق: اللي ليا منّه زِهِمْ بالجد والخال جاوب وحارب قبل لا يبدي حظيبه واللي معه شكه وله فالقلب ولوال يرتاع منّي لا عوى ذيبٍ لذيبه أحمد: ليتك تريّح خاطرك وتوسّع البال بعض العرب تقفي به الريح وتجي به دنياك ياوَلْد الحلال إقفاي وإقبال إن كان ماجت بالرضا ما جت غصيبه مطلق: حنّا نعدّك كلّنا من روس الأموال لو كنت ديسٍ ما يقطّر لي حليبه واللي معه حيله على الأيام يحتال حتى يحصّل زبد ضان وتمر عيبه