رشيد الزلامي واحمد الناصر

أحمدالناصرالشايع و رشيد بن زيد الزلامي في رماح (المزيرع) في 29/12/1416هـ. رشيد: عهدنا بأحمدالناصر هذيك الليالي والعشيّه لقاني فالطريق ولقيته قلت له كيف حالك قال يعجبك حالي مار بعت العذاب ومن نهاري شريته أحمد: يارشيدالزلامي يوم حَلَّ المجالي سيِّس القصر وإن جيته وقفت وبنيته قالوا الوسم قفَّى قلت ياهـمّلالي وإن طلبني وسيع المعرفه ما عصيته رشيد: أنت شوفك يعوّضني عن اللي غدا لي لَوِّ في خاطري شيٍ على الله شكيته وانت غالي وبعض أمرار بالحيل غالي لو يموت أحمدالناصر ضحكت وبكيته أحمد: أبشروا بالجواب إن كان جانا السوالي وإن كتبت الكتاب الإنجليزي قريته عارفٍ مكسبي قبل أمس من راس مالي ما عطانا الغلا الصاحي وأنا ما عطيته رشيد: أعْرِف إنه جرى لك فالدهر ما جرى لي بين خط الحجاز وبين ضلع البِهَيْتَه بعض الأيام أحب أمشي واسافر لحالي لو عرض لي حبيِّب خوّته ما بغيته أحمد: كل ما اقفى هلال يهلِّ عقبه هلالي مار هاك الحصان اللي غدا ما نسيته خذ حلالك وأنا آخذ يالزلامي حلالي كل ما صار في دنيا العرب ما هقيته رشيد: الطَّرَاقي يجونك من جنوب وشمالي وَاعَنَا من فتح للناس بيبان بيته كل راعي عصا ودّه يسوق الجمالي مار يرضى الجمل وإلا لعلّه وْليته أحمد: ما أقدر الوقت يا لِله أدَبِّر عيالي مار ما قَدَّر الله يالزلامي رضيته نوب أهوجس وأهرِّج يالزلامي ظلالي والسنع قِدْمِ عيني خابره ما غويته رشيد: باقيٍ صورةٍ مرسومةٍ في خيالي لو أسولف بها للناس راح وعميته وانت لو فَرِّشوك الناس حمر الزوالي هَزِّك الشوق للرجم الطويل ورقيته أحمد: الليالي طويله ما لها أول وتالي كمّ بعت العذاب وكمّ رحت وشريته وارد العِدّ يارد في حبال وعيالي الزمان ابتلاني بالشقا وابتليته